అంతా మేజిక్
- Mohana Krishna Tata
- 5 days ago
- 2 min read
#MohanaKrishnaTata, #తాతమోహనకృష్ణ, #AnthaMagic, #అంతామేజిక్, #TeluguInspirationalStories, #ప్రేరణాదాయకకథలు
Antha Magic - New Telugu Story Written By Mohana Krishna Tata
Published In manatelugukathalu.com On 09/04/2025
అంతా మేజిక్ - తెలుగు కథ
రచన: తాత మోహనకృష్ణ
"తాతయ్యా.. ! ఒకసారి ఇక్కడకు రా.. నీకో మేజిక్ చూపిస్తా.. ?" అంటూ బయటకు తీసుకుని వెళ్ళాడు మనవడు బంటు.
"ఏమిటి బంటు నీ గోల.. ?"
"ఇలా చూడండి.. ! ఈ ప్రదేశం చల్లగా ఉంది.. కొంచం దూరంలో వేడిగా ఉంది.. మంచి మేజిక్ కదా.. "
"నిజంగా మేజిక్.. మనిషి చేస్తున్న పనులకి.. ప్రకృతి చూపిస్తున్న మేజిక్ ఇది.. భలే కనిపెట్టావే"
"అంటే.. అర్ధం కాలేదు తాతయ్య.. "
"చెట్లు ఎక్కడైతే ఎక్కువ ఉంటాయే.. అక్కడ గాలి చాలా చల్లగా ఉంటుంది.. అందుకే ఇక్కడ చల్లగా ఉంది. కొంత దూరంలో చెట్లే లేవు, అందుకే అక్కడ వేడిగా ఉంది.. "
"అయితే ఇక్కడ ఉన్నవారికి ఏసి అవసరం లేదు, అక్కడ ఉన్నవారు మాత్రం పెట్టుకోవాల్సిందే"
"ఏసి ఎక్కువ వాడడం వల్ల కూడా ప్రకృతికి హానే తెలుసా.. ? దాని బదులు చెట్టు నీడ కూర్చుంటే చల్లగా ఉంటుంది"
"అంటే చెట్లు ఎక్కువ పెంచితే, ఎప్పుడూ వాతావరణం చల్లగా ఉంటుంది. చెట్లే న్యాచురల్ ఏసి.. అయితే చెట్లు ఎక్కువ నరకకూడదు కదా! మరి అడవిలో చెట్లు నరుకుతారు.. అంతే కాదు, మన కోసం, అడ్డుగా ఉన్నాయని ఎడా పెడా చెట్లని నరికేస్తున్నారు కదా"
"అవును.. ఆల్రెడీ రోడ్ల కోసం, వేరే అవసరాల కోసం చెట్లు ఎలాగో నరికేస్తున్నారు.. ఇంకా ఎక్కువ చేయకూడదు.. " అన్నాడు తాతయ్య.
"కానీ.. చెట్లు లేకపోతే, పెద్ద పెద్ద గ్రౌండ్ లో అందరూ ఆటలు ఆడుకోవొచ్చు కదా.. అందరికీ చాలా హ్యాపీగా ఉంటుంది కదా! "
"చెట్లు లేకపోతే, మనకి లైఫ్ లేదు.. వాతావరణం లో వేడి ఎక్కువ అయిపోతుంది.. అప్పుడు చాలా కష్టం. ఇలా చెట్లు నరుకుతూ పొతే, ఫ్యూచర్ లో అందరూ నీ స్కూల్ బ్యాగ్ లాగే, రోజంతా ఆక్సిజన్ సిలిండర్ వెనక వేసుకుని ఉండాల్సి వస్తుంది. గాలిని కూడా ఆన్లైన్ లో ఆర్డర్ చేసుకోవాల్సి వస్తుంది"
"అందుకనేనా.. ఈ మధ్య ప్రతీ టీవీ షో లో మొక్కలు గిఫ్ట్ గా ఇస్తున్నారు.. " అడిగాడు బంటు.
"అవును.. మొక్కలు అంతా నాటాలి, చెట్లు పెంచాలి అని చెప్పడానికే".
"పక్షులకి ఇల్లు కట్టుకోవడానికి చెట్లు కావాలి.. మనం ఇల్లు కట్టుకోవడానికి, ఇతర అవసరాలకి మాత్రం చెట్లు నరకాలి.. ఇదేమి మేజిక్ తాతయ్య.. ?"
"అవును.. అంతా మేజిక్ మయం.. ప్రకృతి చూపే వింత మేజిక్ లు ఇంకా ఉండకూడదంటే, చెట్లు ఎక్కువ నరకకూడదు.. అందరూ ఎక్కువ మొక్కలు నాటాలి " చెప్పాడు తాతయ్య.
*********
తాత మోహనకృష్ణ గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
యూట్యూబ్ లోకి అప్లోడ్ చేయబడ్డ తాత మోహనకృష్ణ గారి కథలకు సంబంధించిన ప్లే లిస్ట్ కోసం
ఉగాది 2025 కథల పోటీల వివరాల కోసం
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
రచయిత పరిచయం:
Profile Link:
Youtube Playlist Link:
నా పేరు తాత మోహనకృష్ణ. నాకు చిన్నతనం నుండి కథలంటే ఇష్టం. చందమామ, వార పత్రికలలో కథలు, జోక్స్ చదివేవాడిని. అలా, నాకు సొంతంగా కథలు రాయాలని ఆలోచన వచ్చింది. చిన్నప్పుడు, నేను రాసిన జోక్స్, కథలు, కొన్ని వార పత్రికలలో ప్రచురింపబడ్డాయి. నేను వ్రాసిన కధలు గోతెలుగు.కామ్, మనతెలుగుకథలు.కామ్ లాంటి వెబ్ పత్రికలలో ప్రచురింపబడ్డాయి. బాలల కథలు, కామెడీ కథలు, ప్రేమ కథలు, క్రైం కథలు రాయడమంటే ఇష్టం.
ధన్యవాదాలు
తాత మోహనకృష్ణ
留言