క్షీరసాగర మథనము - 18
- T. V. L. Gayathri
- 1 day ago
- 2 min read
#TVLGayathri, #TVLగాయత్రి, #TeluguKavithalu, #Kavitha, #Kavithalu, #TeluguPoems, #KsheerasagaraMathanamu, #క్షీరసాగరమథనము, #తేటగీతి
(శ్రీమహా భాగవతపురాణము నుండి అనువాదము )
Ksheerasagara Mathanamu - 18 - New Telugu Poems Written By T. V. L. Gayathri
Published In manatelugukathalu.com On 02/04/2025
క్షీరసాగర మథనము - 18 - తెలుగు పద్యాలు
రచన: T. V. L. గాయత్రి
ఇక క్షీరసాగర మథనము - 18 చదవండి..
100.
వచనము.
ఆ సమయంబున దైత్యులు గర్వోన్మత్తులై దుష్టచిత్తంబుతో.//
101.
తేటగీతి.
బలము జూపిన దైత్యులు వంచనమెయి
నమృత కలశమున్ గైకొని యదిరిపడుచు
పాఱుచుండగా దేవతల్ బాధనొంది
విష్ణుమూర్తిని శరణమ్ము వేడుకొనిరి.//
తాత్పర్యము.
బలముతో రాక్షసులు ఆ ధన్వంతరి చేతిలోని అమృత కలశమును తీసికొని పారిపోయారు. అప్పుడు దేవతలు బాధపడి విష్ణుమూర్తిని శరణువేడుకొనిరి.//
102.
తేటగీతి.
దుఃఖమగ్నులై దేవతల్ దొరలుచుండ
భక్తవశ్యుండు విష్ణుండు పలికె నిట్లు
'మాయకల్పించి దైత్యుల మదమడంచి
యమృతమున్ దెచ్చి యిత్తు మీ యాశదీర!"//
తాత్పర్యము.
దుఃఖంతో దేవతలు బాధపడుతూ ఉన్నారు. అప్పుడు వారితో విష్ణుమూర్తి "నేను మాయతో రాక్షసుల గర్వాన్ని అణచివేసి, మీ కోరిక తీరేలాగా మీకు అమృతమును తెచ్చి ఇస్తాను!"అని పలికాడు.//
103.
తేటగీతి.
విష్ణుమాయచే దైత్యులు విముఖులగుచు
బంధుతతితోడ పెనగుచు పశులవోలె
కలశమున్ గోరి పోరాడి కలతచెంది
కలహపరులౌచు దుష్టులై కలియబడిరి!//
తాత్పర్యము.
విష్ణుమాయ చేత రాక్షసులు వాళ్లలో వాళ్ళే ఒకరినొకరు కొట్టుకొంటూ అమృతము కోసము తగవులాడుకొంటున్నారు.//
(సశేషం )
క్షీరసాగర మథనము - 19 త్వరలో
టి. వి. యెల్. గాయత్రి.
పూణే. మహారాష్ట్ర.
Profile Link:
Comments