లీవ్
- Mohana Krishna Tata
- 2 hours ago
- 2 min read
#MohanaKrishnaTata, #తాతమోహనకృష్ణ, #Leave, #లీవ్, #TeluguComedyStories, #తెలుగుహాస్యకథలు, #కొసమెరుపు
Leave - New Telugu Story Written By Mohana Krishna Tata
Published In manatelugukathalu.com On 21/04/2025
లీవ్ - తెలుగు కథ
రచన: తాత మోహనకృష్ణ
కథా పఠనం: మల్లవరపు సీతారాం కుమార్
సుబ్బారావుకు తను పనిచేసే ఆఫీస్ లో బాస్ చాలా స్ట్రిక్ట్ గా ఉండడం నచ్చేది కాదు. పెళ్ళయ్యాక పెళ్ళాంతో, ఆఫీస్ అన్నాక బాస్ తో తప్పదుగా అనుకుని సర్దుకుపోతున్నాడు. లోపల ఎంత నచ్చకపోయినా, బయటకి మాత్రం బాస్ ని బాగా పొగుడుతూ కాలం గడిపేస్తున్నాడు.
ఒకరోజు ఆఫీస్ కి రాని సుబ్బారావు మీద కోపంతో.. తానంటే గౌరవం లేదని, ఇగొతో రగిలిపోయాడు బాస్. మర్నాడు సుబ్బారావు ఆఫీస్ కి వచ్చి, తన సీట్ లో కూర్చోబోతుంటే, బాస్ రమ్మంటున్నారని పిలుపొచ్చింది.
"ఇప్పుడే ఇలా వచ్చానో లేదో.. అప్పుడే కబురు. ఏం కొంపలు మునిగాయో.. ? అసలే బాస్ చిరాకు ఫేస్ చూడలేను.. తొందరగా వెళ్ళాలి" అనుకుంటూ కేబిన్ లోకి వెళ్ళాడు సుబ్బారావు.
"ఏవయ్యా సుబ్బారావు! లీవ్ పెట్టే ముందు నాకు ఒక మాట చెప్పొచ్చుగా.. ఎంత ఫీల్ అయ్యోనో తెలుసా.. ?"
'నీ మొహం చూస్తేనే తెలుస్తుంది లే ఆ విషయం' అని మనసులో తిట్టుకున్నాడు సుబ్బారావు.
"సారీ సర్.. ! మా ఆవిడకు ఒంట్లో బాగోలేదు. ఇంటిపని కోసం తప్పక లీవ్ పెట్టాల్సి వచ్చింది" అని వినయంగా చెప్పాడు.
"మగపుట్టుక పుట్టి.. ఇంట్లో ఆడవారి పనులు చెయ్యడమేమిటయ్యా.. నీకు సిగ్గు లేదా.. ?" కోపంగా అన్నాడు బాస్.
"ఏం చేస్తాం సర్.. !పెళ్ళి చేసుకున్నాక తప్పుతుందా చెప్పండి.. ! మా కష్టాలు మీకు ఎలా తెలుస్తాయి చెప్పండి.. ? మీ అంత లక్కీ కాదు కదా మేము"
"ఆ తర్వాతైనా ఒక ఫోన్ చేసి చెప్పొచ్చు కదా.. కామన్ సెన్స్ లేదా.. ?" అని అరిచాడు బాస్.
"లీవ్ విషయం చెబుదామని మార్నింగ్ మీ ఫోన్ కి కాల్ చేసాను సర్.. "
"అబద్ధం ఆడకయ్యా.. !"
"లేదు సర్.. అప్పుడు ఫోన్ మీ శ్రీమతిగారు ఎత్తి.. 'ఆయన బట్టలు ఉతుకుతున్నారు.. ఇప్పుడే సబ్బు కోసం షాప్ కి వెళ్లారు. తిరిగి వచ్చి అంట్లు తోమడానికి ఇంకా గంట పడుతుంది.. ' అని చెప్పి ఫోన్ పెట్టేసారు.. " అని అమాయకంగా అన్నాడు సుబ్బారావు.
తెల్లబోయి చూడడం తప్ప చేసేది ఏమీ లేదు పాపం బాస్ కి. అప్పుడే బాస్ ఫోన్ మోగింది..
"ఏమండీ.. ! మీరు ఆఫీస్ నుంచి ఇంటికి వచ్చేటప్పుడు.. అంట్లు తోముకునే సబ్బులు ఒక అరడజను తీసుకురండి.. లేకపోతే రేపు ఉదయం మీరే తోమడానికి ఇబ్బంది పడతారు.. " అంటూ బాస్ శ్రీమతి ఫోన్.
ఫోన్ స్పీకర్ లో లేకపోయినా.. ఆమె చెప్పింది మాత్రం సుబ్బారావుకి బాగా వినిపించింది.
'ఎంతైనా, ఇంటికి హోం మినిస్టర్ కదా.. గట్టిగానే ఆర్డర్ వేసింది మరి. బాస్ మాత్రం ఎంత కాలం దాచగలడు' అని అనుకుంటూ మనసులో తెగ నవ్వుకున్నాడు సుబ్బారావు. ఇంక ఎప్పుడు తనని క్వశ్చన్ చెయ్యడన్న నమ్మకంతో కేబిన్ నుంచి ధీమాగా బయటకు వెళ్ళాడు సుబ్బారావు.
************
తాత మోహనకృష్ణ గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
యూట్యూబ్ లోకి అప్లోడ్ చేయబడ్డ తాత మోహనకృష్ణ గారి కథలకు సంబంధించిన ప్లే లిస్ట్ కోసం
ఉగాది 2025 కథల పోటీల వివరాల కోసం
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
రచయిత పరిచయం:
Profile Link:
YouTube Playlist Link:
నా పేరు తాత మోహనకృష్ణ. నాకు చిన్నతనం నుండి కథలంటే ఇష్టం. చందమామ, వార పత్రికలలో కథలు, జోక్స్ చదివేవాడిని. అలా, నాకు సొంతంగా కథలు రాయాలని ఆలోచన వచ్చింది. చిన్నప్పుడు, నేను రాసిన జోక్స్, కథలు, కొన్ని వార పత్రికలలో ప్రచురింపబడ్డాయి. నేను వ్రాసిన కధలు గోతెలుగు.కామ్, మనతెలుగుకథలు.కామ్ లాంటి వెబ్ పత్రికలలో ప్రచురింపబడ్డాయి. బాలల కథలు, కామెడీ కథలు, ప్రేమ కథలు, క్రైం కథలు రాయడమంటే ఇష్టం.
ధన్యవాదాలు
తాత మోహనకృష్ణ
Comentarii