#MohanaKrishnaTata, #తాతమోహనకృష్ణ, #మాకుఏమీకాదు, #MakuEmeeKadu, #TeluguComedyStories, #తెలుగుహాస్యకథలు
Maku Emee Kadu - New Telugu Story Written By Mohana Krishna Tata
Published In manatelugukathalu.com On 26/02/2025
మాకు ఏమీ కాదు - తెలుగు కథ
రచన: తాత మోహనకృష్ణ
"ప్రభూ.. ! ఆ బ్యాచ్ పాపులకి ఎన్ని శిక్షలు వేసినా, భయపడట్లేదు ప్రభు.. మన భటులకు ఆయాసం, నీరసం తప్పించి ఏం ప్రయోజనం లేదు.. ఆ పాపులను కొంచం విచారించండి.. " అన్నాడు చిత్రగుప్తుడు
"ఎందుకు అలా.. ? మన లోకంలో శిక్షలు చాలా కఠినంగా ఉంటాయి కదా.. ఎలాంటి వారైనను భయపడాల్సిందే"
"ఏమో ప్రభు.. ! ఇక్కడ ఉన్న అన్ని శిక్షలు వేసినా.. వారిలో అసలు భయం, బాధ కనిపించట్లేదు.. ఇలాగైతే మన శిక్షలకు అర్ధం లేదు ప్రభు.. "
"వెంటనే వారిని ప్రవేశపెట్టుము.. "
"ఈ నరకంలో వేసే శిక్షలకు మీరు ఎందుకు భయపడట్లేదు.. ? మీకు ఇంత గుండె నిబ్బరం ఎక్కడిది.. ?" అడిగాడు యమధర్మరాజు
"ప్రభు.. ! మేమంతా భూలోకంలో భార్యాబాధితుల సంఘంలోని సభ్యులం. మేమే కాదు.. రోజు రోజుకు చాలా మంది ఈ సంఘం లో జాయిన్ అవుతున్నారు.. ఇలాంటి కొత్త సంఘాలు చాలా పుట్టుకొస్తున్నాయి. మున్ముందు మాలాంటి వారు చాలా మంది ఇక్కడకు వస్తారు ప్రభు.. ! మా భార్యలు పెట్టే టార్చర్ కన్నా మీ లోకంలో శిక్షలు పెద్దవేమీ కాదు ప్రభు.. "
"భూలోకంలో మీరు అన్ని కష్టాలు పడుతున్నారా.. ?"
"భూలోకంలో భార్యతో హ్యాపీ గా ఉన్నవారూ ఉన్నారు ప్రభు! వారంతా అదృష్టవంతులనే చెప్పాలి. మాలాంటి వారు కూడా ఎక్కువే ఉన్నారు.. ఇంకా పెరుగుతూనే ఉన్నారు. మీకు మా గురించి తెలియనిది ఏముంది.. ? అయినా మా బాధలు మచ్చుకు కొన్ని చెబుతాము. ఇప్పటికైనా, మా బాధ చెప్పుకొను అవకాశం వచ్చింది"
"మాకూ ఆ విషయాలు తెలుసుకోవాలనే ఉంది.. చెప్పుము"
"చీరలు, బంగారం కొనకపోతే మా ఇంట్లో ఆడవారు వంట వండరు.. మా దగ్గరకు అసలే రారు. మా కడుపు మాడి ఆ మంటలు మాకు అలవాటయిపోయాయి ప్రభు.. అందుకే మీ లోకంలో మాకు ఎన్ని వాతలు పెట్టినా, మమ్మల్ని నూనెలో వేయించినా సరే, మాకు ఏమీ కాదు.
భార్యలు తిట్టడం, కొట్టడం ఒకప్పుడు చాలా తక్కువ ఉండేది.. అది కూడా చాటుగా ఉండేది. ఈ కలికాలంలో అయితే భార్యలు ఓపెన్ గా వీధిలోకి లాగి, మమల్ని మరీ కొడుతున్నారు ప్రభు! మా బాధ ఎవరికీ చెప్పుకోలేము. ఆ దెబ్బలకి అలవాటు పడ్డ శరీరం, మీ కొరడా దెబ్బలకు, మీరు కొట్టే ఎంత గట్టి దెబ్బలకైనా సరే, మాకు ఏమీ కాదు.
మా భార్యలు తిట్టే తిట్లకు అలవాటు పడ్డ మేము.. వేరే వారు తిడతారన్న భయం కూడా మాకు అస్సలు లేదు ప్రభు!
ఇంకా.. భార్యకు కోపం వస్తే, ఇంట్లో గిన్నెలు, వస్తువులు అన్నీ మా మీద విసురుతారు. అవి ఒక్కోసారి ఎక్కడో తగులుతాయి.. నొప్పి కలుగుతుంది. తలకి తగిలితే, పెద్ద బొప్పి కడుతుంది. అయినా సరే, అలవాటులో మాకు నొప్పి తెలియదు. అందుకే మీ లోకంలో వేసే శిక్షలకు మాకు నొప్పి తెలియదు, బాధ ఉండదు. ఇలా మా కష్టాలు ఎన్ని చెప్పకోము ప్రభు.. ఈ కాలం భూలోక భర్యాలు పెట్టే టార్చర్ కన్నా గొప్పగా లేవు మీ శిక్షలు.. అందుకే మాకు ఏమీ కాదు. ఇంకా మాలాంటి కొంతమంది చెప్పుకోలేని కష్టాలు, బాధలు పడుతూనే ఉన్నారు ప్రభు! చెప్పాలంటే, కొత్తగా భర్తలని ఎలా ఇబ్బంది పెట్టాలో.. భార్యలకి తెలిసినంతగా ఎవరికీ తెలియదు ప్రభు!
మాలాంటి వారి మధ్య భార్యతో హ్యాపీ గా ఉన్నవారూ ఉన్నారు ప్రభు! వారంతా అదృష్టవంతులు ప్రభు!"
"మీ కష్టాలు విన్నాకా.. నాకు చాలా బాధ, జాలి కూడా కలుగుతున్నది. కానీ, మీకు ఎలాగైనా శిక్ష వెయ్యక తప్పదు. ఈ నరకంలో మీకు ఎన్ని శిక్షలు వేసినా ప్రయాజనం లేదని మాకు అర్ధమైంది. అందుకే మీ భార్యాబాధితులందరికీ.. ఇకమీదట మీలాంటి వారి అందరి కోసం శిక్షలు కొంచం మార్పు చేస్తున్నాము..
చిత్రగుప్తా.. ! ఇకపై ఇలాంటి వారిని నరకానికి కాకుండా.. స్వర్గానికి పంపుము. అక్కడ అప్సరసల అందచందాలు, వారు వొలకపోసే ప్రేమ చూసి, ఆ ప్రేమకు వీరు ఉక్కిరి బిక్కిరి అయ్యెదరు.. అదే వీరికి సరైన శిక్ష" అంటూ ఆర్డర్ పాస్ చేసాడు యమధర్మరాజు
********
తాత మోహనకృష్ణ గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
యూట్యూబ్ లోకి అప్లోడ్ చేయబడ్డ తాత మోహనకృష్ణ గారి కథలకు సంబంధించిన ప్లే లిస్ట్ కోసం
ఉగాది 2025 కథల పోటీల వివరాల కోసం
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
రచయిత పరిచయం:
Profile Link:
Youtube Play List Link:
నా పేరు తాత మోహనకృష్ణ. నాకు చిన్నతనం నుండి కథలంటే ఇష్టం. చందమామ, వార పత్రికలలో కథలు, జోక్స్ చదివేవాడిని. అలా, నాకు సొంతంగా కథలు రాయాలని ఆలోచన వచ్చింది. చిన్నప్పుడు, నేను రాసిన జోక్స్, కథలు, కొన్ని వార పత్రికలలో ప్రచురింపబడ్డాయి. నేను వ్రాసిన కధలు గోతెలుగు.కామ్, మనతెలుగుకథలు.కామ్ లాంటి వెబ్ పత్రికలలో ప్రచురింపబడ్డాయి. బాలల కథలు, కామెడీ కథలు, ప్రేమ కథలు, క్రైం కథలు రాయడమంటే ఇష్టం.
ధన్యవాదాలు
తాత మోహనకృష్ణ
Comments