నిరీక్షణ - పార్ట్ 1

#AchantaGopalaKrishna, #ఆచంటగోపాలకృష్ణ, #నిరీక్షణ, #Nireekshana, #TeluguLoveStories, #తెలుగుప్రేమకథలు

Nireekshana - Part 1/2 - New Telugu Story Written By Achanta Gopala Krishna

Published In manatelugukathalu.com On 28/04/2024

నిరీక్షణ - పార్ట్ 1/2 - పెద్దకథ ప్రారంభం

రచన: ఆచంట గోపాలకృష్ణ

మేఘాలు కమ్ముకుంటున్నాయి.. 

వర్షం మొదలయ్యింది.. 

గాలి బాగా వీస్తోంది. 

చెట్లు ఊగి పోతున్నాయి.. 

కరెంట్ లేదు.. అంతా చీకటి.. 

పడవ ని ఒడ్డున తాడుతో కట్టేసాడు వీరయ్య.. 

"ఈ వర్షం ఒకటి తెగ కురిసేత్తోంది.. ఎక్కడా తెరిపి ఇచ్చేటట్లు గా లేదు.. ఇవాళ్టి కి ఓ చుక్క ఏసుకుని పడుకోవడమే.. " అనుకుంటూ కల్లు పాక చేరాడు.. 

అక్కడ లాంతరు వెలుగు చిన్నగా వస్తోంది.. 

పాక చూరు లోంచి వర్షం చుక్కలు ధారగా పడుతూ ఉన్నాయి.. 

సూరి గాడు అక్కడే ఉన్నాడు.. 

"రారా వీరయ్య.. ఈయ్యేల దాకా ఏంచేస్తున్నావు.. ఇంత వాన లో కూడా పడవ ఏసేద్దామనే.. " అన్నాడు.. 

"అదేం లేదు.. నది చాలా వేగం గా ఉంది.. పడవని.. ఒడ్డున కట్టేసి వచ్చా.. అయినా ఇంత చీకట్లో, ఈ వర్షం లో రేవు దాటే వాళ్ళు ఎవరుంటారు.. " అన్నాడు.. వీరయ్య.

"ఓ చుక్క ఎత్తవా.. " అని అడిగాడు సూరి.

"ఇయ్యాల బేరం లేదు.. డబ్బులు నువ్వే ఇయ్యాల మరి.. " అన్నాడు వీరయ్య.. 

"అలాగే ఇత్తా గాని కానియ్.. ఒరేయ్ ఆడికి ఇయ్యాల మన ఖాతాలో ఏసేయ్.. " అన్నాడు. 

ఫుల్ గా.. తాగేసి అక్కడే పడిపోయాడు.. వీరయ్య. 

ఒరేయ్ వీరిగా అంటూ పిలిచాడు.. 

లేవట్లేదు.. 

"ఇంత వర్షం లో ఈడిని తీసుకు వెళ్ళేది లేదు కానీ.. ఇక్కడే పడి ఉండని.. రేపు లేచి ఆడే పోతాడు.. " అంటూ షాప్ వాడికి చెప్పి బయలు దేరాడు సూరి.. 

వాన పెద్దది గానే ఉంది.. గొడుగు వేసుకుని సైకిల్ నడిపించుకుంటూ బయలుదేరాడు.. సూరి.. 

****

ఇంతలో గోడ మీద నుండి ఒక బాగ్ బయట పడింది. 

అక్కడే గొడుగు తో ఉన్న రాజేష్, ఆ బాగ్ తీసుకున్నాడు. 

కుండపోత గా వర్షం కురుస్తోంది.. కళ్ళు కనిపించట్లేదు.. 

గోడ మీద నుండి కిందకి దూకింది మాధవి. 

" రా రా తొందరగా.. మళ్ళీ ఎవరైనా చూస్తే సమస్య.. " అన్నాడు రాజేష్ చెయ్యి పట్టుకుని లేపుతూ.. 

పద పద అంటూ గొడుగు వేసుకుని.. వీధుల్లో జాగ్రత్తగా ఎవరూ లేకుండా చూసు కుంటూ బయలుదేరారు. 

"ఈ వీధి దాటితే మనం తొందరగా నది ఒడ్డు కి చేరుకుంటాం.. " అంటూ వడి వడి గా నడవ సాగారు.. 

వీళ్ళిద్దరూ వెళ్లడం అజయ్ పాలేరు సూరి.. చూసాడు.. 

ఎవరూ అమ్మాయి గారి లా ఉందే. ఇంత వర్షం లో ఎక్కడికి వెడుతున్నారు.. 

"అమ్మాయి గారూ.." అంటూ పిలిచాడు.. 

"అమ్మో వీడు చూసేసాడు.. తొందరగా పద " అంటూ పరిగెత్తింది మాధవి, రాజేష్ చెయ్యి పట్టుకుని.. 

‘వాడు రాజేష్ లాగా ఉన్నాడు.. ఈ విషయం వెంటనే అయ్యగారి కి చెప్పాలి’ అంటూ, గొడుగు ముడిచి, సైకిల్ తొక్కుకుంటు.. వడి వడి గా బయలు దేరాడు. 

"అయ్యా.. అయ్యా.." అంటూ గట్టిగా అరిచాడు గేటు బైట నుంచుని. 

కాపలా కాస్తున్న వాళ్ళు.. 

"ఏరా, ఇంత వర్షం లో వచ్చావు.. రేపు రా, అయ్యగారు బిజీ గా ఉన్నారు" అన్నారు. 

"లేదు.. నేను ఒక ముఖ్య మైన విషయం మాట్లాడాలి.. కొంచెం చెప్పు.. ఆయనతో.. తొందరగా" అన్నాడు.. 

‘ఏమిటి నాతో చెప్పు’ అన్నాడు.. 

"అది అయ్యగారి విషయం ఆయనకి చెప్పకుండా నీకు చెప్పలేను.. తొందరగా నన్ను అయ్యగారి దగ్గరకి తీసుకు వెళ్లు" అన్నాడు.. 

సరే రా అంటూ గేట్ తీసి, లోపలికి తీసుకుని వెళ్ళాడు. 

లోపల అజయ్ కూర్చుని మందు తాగుతున్నాడు. 

“ఏరా ఇలా వచ్చావు..” అన్నాడు. 

"అయ్యా తమతో ఒక ముఖ్యమైన విషయం చెప్పాలి.. " అని పక్కన ఉన్న అతని వైపు చూసాడు.. 

“నువ్వు బయట ఉండు..” అన్నాడు. 

సరే అండీ అంటూ బైటకి వెళ్ళాడు.. 

ఇప్పుడు చెప్పు ఏమి జరిగింది” అని అడిగాడు.. 

"ఇందాక అమ్మాయిగారు.. ఆ రాజేష్ గాడు నది వైపు వెళుతుండగా చూసాను.. చేతిలో బాగ్ ఉంది.. నేను పిలిస్తే పలకలేదు.. పైగా వినబనట్టు వెళ్లిపోయారు. నాకేదో అనుమానం గా ఉంది.. అందుకే మీ దగ్గరకి పరిగెత్తుకుని వచ్చాను.. " అన్నాడు.. 

ఒక్కసారి ఉలిక్కి పడ్డాడు.. అజయ్.. చేతిలో గ్లాస్ టేబుల్ మీద పెట్టి.. 

"ఎంత సేపు అయ్యింది" అన్నాడు కోపంగా.. 

"ఇప్పుడే అండీ.. రచ్చ బండ దగ్గర చూసాను.. నది బాగా పోటు మీద ఉంది.. వీరి గాడు వర్షం కదా అని తాగేసి పడుకున్నాడు.. పడవ లేదుకదా అని మీతో చెపుదామని వచ్చాను" అన్నాడు. 

"ఎవర్రా అక్కడ " అని అరిచాడు.. అజయ్. 

వెంటనే నలుగురు పరిగెత్తుకుని వచ్చారు.. 

"అమ్మాయి గారిని ఆ రాజేష్ గాడు తీసుకు పోతున్నాడు.. నది వైపు కి వెడుతున్నారుట.. వాళ్ళు ఎట్టి పరిస్థితుల్లో ఊరు దాట కూడదు.. తొందరగా వెళ్ళండి.. ". అంటూ ఆజ్ఞా పించాడు.. అజయ్.. 

"ఆ రాజేష్ గాడి కాళ్ళు చేతులు విరిచయిన సరే.. తీసుకు రండి.. అమ్మాయి గారు జాగ్రత్త.. " అంటూ పురమాయించాడు.. 

అందరూ బయలుదేరి వెళ్లారు. 

కొంత దూరం వెళ్ళాక జీపు లు బురదలో ఆగిపోయాయి.. కిందకి దిగి కత్తులు కర్రలు పుచ్చుకుని టార్చ్ లైట్ లు వేసుకుంటూ.. పరిగెత్తారు.. 

మాధవి, రాజేష్ లు నది ఒడ్డుకి చేరుకున్నారు.. నది చాలా స్పీడ్ గా ఉంది.. 

"వీరి గాడు లేడు.. ఇప్పుడు ఎలా.. నే వెళ్లి వాడిని తీసుకుని వస్తా " అన్నాడు.. 

"వద్దు. వాళ్ళు మనల్ని చూసేసారు. ఇంకాసేపట్లో వచ్చేస్తారు.. ఎలాగై నా నది దాటేయాలి " అంది మాధవి.. 

ఇంతలో దూరం గా టార్చ్ వెలుగులు కనిపించాయి. 

"అదిగో వాళ్ళు వచ్చేస్తున్నారు.. మనం పడవ తీసేద్దాం" అంది మాధవి. 

సరే అంటూ పడవ తాడు విప్పాడు.. ఇద్దరూ అందులో కూర్చుని..

'ఒక్క నిమిషం' అంటు మళ్ళీ దిగాడు రాజేష్. 

“ఏంటి మళ్ళీ అంది..” మాధవి.

"వాళ్ళు ఇంకో పడవలో వచ్చేస్తే.. దాన్ని నదిలో వదిలేస్తే వాళ్ళు మన వెనుక రాలేరు " అంటూ రెండో పడవ తాళ్ళు విప్పేసాడు.. 

ముందుకి తోసేశాడు.. అది నెమ్మదిగా నదిలోకి వెళ్ళిపోయింది.. అప్పుడు రాజేష్ కూడా పడవ ఎక్కి తెడ్డు వేయసాగాడు.. 

"గట్టిగా పట్టుకో నది చాలా వేగంగా ఉంది.. " అన్నాడు. 

ఇంతలో పరిగెత్తుకుని వచ్చిన వాళ్ళకి అక్కడ ఏమి కనబడలేదు.. టార్చ్ వేస్తే దూరంగా పడవ కనబడింది.. 

"అరెయ్.. తొందరగా రెండోది తీయాండ్రా " అన్నారు..

"అన్నా అది కూడా నదిలో కి వెళ్ళిపోయింది.. ఇంత స్పీడ్ గా ఉన్న నదిని ఈదడం కష్టం.. వెళ్లి అయ్యగారికి చెపుదాం.. ఆయనే చూసుకుంటాడు.." అంటూ వెనక్కి వెళ్లారు.. 

"ఏమయ్యింది రా" అంటూ అడిగాడు.. 

"అయ్యా పడవలో వెళ్లిపోయారు.. రెండవ పడవ కూడా నది లోకి వదిలేసి పోయారు.. నది చాలా వేగం గా ఉంది.. ఈదడం కష్టమని వచ్చేసాం.. " అన్నాడు..

"ఏడవలేక పోయారు.. సరే రేపట్నుంచి అన్ని చోట్లా వెదకండి.. " అన్నాడు.. 

విసుగ్గా మరునాడు దిగాలు గా ఉన్న అక్క, బావ ని పలకరించడానికి.. వెళ్ళాడు అజయ్. 

"బాధ పడకు అక్కా అన్ని చోట్లా వెదికిస్తున్నా.. త్వరలోనే నీదగ్గరికి తీసుకుని వచ్చి పెళ్లి చేసుకుంటా " అని చెప్పి.. వెళ్లి పోయాడు.. 

"భగవంతుడా అమ్మాయి ఈ దుర్మారుడికి దొరక్కుండా చూడు స్వామి.. ఆస్తి కోసం చేసుకుంటున్నాడు.. ఆమె ఎక్కడ ఉన్నా సుఖం గా ఉండేటట్లు చూడు స్వామి అంటూ మనసులో నే ప్రార్ధించింది.. "శ్యామలమ్మ. 

"చూడు శ్యామలా. రాజేష్ మంచివాడు.. బాగా చూసుకుంటాడు.. లేచిపోయింది అని బాధ తప్ప మిగతా ఏ అభ్యంతరం లేదు.. అలాగని ఊరిలో ఉంటే ఈ దుర్మార్గుడికి ఇచ్చి చేయాల్సి ఉంటుంది.. బాధ పడకు.. జరగాల్సింది ఏదో జరుగుతుంది.. ఆ భగవంతుడు ని నమ్ముకోవడం తప్ప మనం చేయగలిగింది ఏమి లేదు" అన్నాడు.. జగపతి.. 

*******

'యువర్ అటెన్షన్ ప్లీస్ ఎక్స్ప్రెస్ ఒకటవ నంబరు ప్లాట్ ఫారం మీదకి మరికొద్ది సేపట్లో వచ్చుచున్నది' అని అనౌన్స్ మెంట్ వినిపించింది.. 

ట్రైన్ వచ్చి ఆగింది. అందులోనించి దిగాడు మహేష్.. 

బాగ్ తీసుకుని స్టేషన్ బైటకి వచ్చాడు.. 

అక్కడి నుంచి నది ఒడ్డుకి వచ్చి అవతలి ఒడ్డుకి వెళ్ళడానికి ఎదురు చూస్తున్నాడు. 

ఇంతలో పడవ వచ్చింది.. అందరూ ఎక్కాక బయకుదేరింది.. 

"ఏం వీరయ్య బాగున్నావా" అంటూ పలకరించాడు మహేష్.. 

" ఎవరు మహేష్ బాబా.. గుర్తు పట్టలేక పోయాను బాబు.. చాలాకాలం అయిపోయింది కదా.. అయినా మీరు చాలా మారిపోయారు.. ఇంగ్లీష్ దొర లాగా ఉన్నారు.. ఊరిలో పని ఉందా సారు " అని ప్రశ్నించాడు.. 

"అవును.. ఇంకా ఏమిటి విశేషాలు.. ఊరిలో అందరూ ఎలా ఉన్నారు..” అని అడిగాడు.. 

"ఏముంది బాబు మా బతుకు లు చెప్పడానికి.. ఆ అజాయ్ లాంటి వాళ్ళు ఉన్నంత వరకు మా బతుకులు బాగుపడవు.." అన్నాడు.. 

"అదేమిటి జగపతిబాబు గారు ఉన్నారుగా" అన్నాడు.. 

“పాపం ఆయన సంగతి ఏమి చెబుతాము అండీ.. ఆయన కధ వింటే జాలి వేస్తుంది..” 

“అదేమిటి ఏమయింది ఆయనకి” అన్నాడు కంగారుగా.. 

“ఏమి చెపుతాం అండి, ఆ అజయ్ ఆస్థి కోసం అమ్మాయి గార్ని చేసుకునేందుకు ప్రయత్నింనించాడు.. అది ఆయనికి వాళ్ళకి ఇష్టం లేదు.. చాలా పెద్ద గొడవ చేసాడు.. 

ఆయన ఆస్తి పాస్తులు అన్ని అతని కంట్రోల్ లో నే ఉన్నాయి.. ఈ లోగా ఆమె రాజేష్ అని మీ స్నేహితుడితో.. ఊరు వదిలి వెళ్లి పోయింది..

కొంతమంది అజయ్ కి భయపడి పారిపోయింది అంటున్నారు.. కొంతమంది అతనిని ప్రేమించి అతనితో లేచి పోయింది అనుకుంటున్నారు.. నిజం ఎవరికి తెలియదు.. ఈ దుర్మార్గుడు ఆమె కోసం ఇంకా వెతికిస్తూనే ఉన్నాడు.. అది అండి.. జరిగింది..” అన్నాడు.. 

“అయ్యో ఎంత పని జరిగింది.. నేను ఒకసారి ఆయనని కలిసి వస్తాను.. పాపం నేను చదువు కునే అప్పుడు చాలా సహాయం చేసారు.." అన్నాడు.. మహేష్.

“ఆపని చేయండి బాబు.. కొంత అయినా బాధ తగ్గుతుంది.. ఎవరిని రానివ్వట్లేదు.. ఎవరితో మాట్లాడట్లేదు ఆయన.. " అన్నాడు వీరయ్య.. 

పడవ ఒడ్డుకి చేరింది.. డబ్బులు ఇచ్చి జగపతి గారింటికి బయలు దేరాడు మహేష్.. 

గేట్ తీసుకుని లోపలికి వెళ్ళాడు.. పడక కుర్చీ లో పడుకుని ఉన్నారు జగపతి గారు.. 

గెడ్డం పెరిగి పోయింది.. చిక్కి పోయి ఉన్నారు.. 

“నమస్తే అండి..” అన్నాడు మహేష్.. 

'ఎవరూ' అంటూ కళ్ళు తెరిచారు.. 

“నేనండి మహేష్ ని..” అంటూ ముందుకి వచ్చాడు.. 

“రా బాబు లోపలికి వెళ్లి మాట్లాడుకుందాము.. " అంటూ లోపలికి వెళ్లారు.. 

“శ్యామల.. మహేష్ వచ్చాడు.. దూరం నించి వచ్చాడు భోజన ఏర్పాట్లు చూడు..” అన్నాడు.. 

“నువ్వు ముందు కాళ్ళు కడుక్కుని రా. భోజనాలు అయ్యాక మాట్లాడు కుందాము” అన్నారు.. 

పని వాడికి “ఇతని బాగ్ లోపల పెట్టించు.. స్నానానికి ఏర్పాట్లు చెయ్” అంటూ పురమాయించారు.. 

"సరే సర్.." అంటూ లోపలికి వెళ్ళాడు.. మహేష్. 

భోజనాలు అయ్యాక.. ఆయన గదికి వెళ్ళాడు మహేష్.. 

“సర్ ఏమిటి జరిగింది.. మీరు ఇలా ఎందుకు అయిపోయారు.. మాధవి ఎక్కడ..” అంటూ ప్రశ్నించాడు..

“చెపుతా అన్నీ వివరం గా. ఆ తలుపు వేసి రా” అంటూ చెప్పారు.. 

మహేష్ తలువు వేసి వచ్చాడు.. 

“ఇప్పుడు చెప్పండి అంకుల్.. నేను మీ దగ్గరకి వచ్చి 'మీ అమ్మాయిని ప్రేమిస్తున్నాను పెళ్లి చేసుకుంటాను' అని అడిగితే మీరు కాదు అన్నారు.. నా దగ్గర డబ్బు లేదు అన్నారు.. 

'నా దగ్గర డబ్బు లేక పోవచ్చు కానీ చదువు ఉంది కదా.. మంచి ఉద్యోగం సంపాదించి బాగా చూసుకుంటాను' అని అంటే మీరు ముందు సంపాదించు అన్నారు.. 

నాకు కొంచెం గడువు కావాలి అంటే '5 ఇయర్స్ టైం ఇస్తా.. కానీ తరువాత నీ కోసం ఎదురు చూడకుండా పెళ్లి చేసేస్తా' అని చెప్పారు.. 

నేను కష్ట పడి మాధవిని ఒప్పించా.. ఇంతలో మీకు ఏమైనది.. ఇలా జరిగింది.. " అంటూ ప్రశ్నల వర్షం కురిపించాడు.. 

“ఏం చేయమంటావ్ బాబూ, ఆ అజయ్ దాన్ని పెళ్లి చేసుకోవడానికి కుట్ర పన్నాడు.. నేను ఏమి చేయలేని పరిస్థితి.. ఇంతలో నీ ఫ్రెండ్ రాజేష్ ని పిలిచి నీ గురించి వివరాలు అడిగా.. తన దగ్గర కూడా లేదు అని చెప్పాడు.. చివరికి అతను మంచి వాడే.. ముందు ఇతని నుంచి రక్షించడానికి.. నేనే డబ్బు ఇచ్చి పంపేసా.. ఈ విషయ ము ఊరిలో ఎవరికి తెలియదు.. అందరూ అది లేచి పోయింది అని అనుకుంటున్నారు.. నేను మాట్లాడలేదు.. ఈ విషయం శ్యామల కి కూడా తెలియదు.. తెలిస్తే పోరపాటున ఆచూకీ తెలిసి పోతుంది అని.. భయ పడ్డాను.. " అన్నారు.. 

“కనీసం వాళ్లిద్దరూ సుఖం గా ఉంటారని ఈ పని చేసాను.. క్షమించు బాబు.. నీకు మాటిచ్చి తప్పాను..” అన్నారు జగపతి.. 

“అయ్యో అంత మాట అనకండి.. మీరు పెట్టిన భిక్ష వలన నేను చదువుకుని ఇంత వాడిని అయ్యాను.. దేనికైనా యోగం ఉండాలి కదా.. నా ప్రేమ అక్కడి తో ఆగి పోయింది.. 

ఏం చేస్తాం.. కానీ ఆమె మీద నా ప్రేమ గుండెలలో పెట్టుకుని దాచు కుంటాను.. జీవితమంతా ప్రేమిస్తు ఇలాగే ఉండిపోతాను..” అన్నాడు మహేష్.. 

“ఇంతకీ వాళ్ళు ఎక్కడ ఉన్నారో ఏమైనా తెలుసా అండి” అని అడిగాడు.. 

“లేదు బాబు. మాకు ఏమాత్రం కాంట్రాక్టు చేసిన అజయ్ కి తెలిసిపోతుందని నేనె వద్దు అన్నా..” అన్నారు. 

“సరే అండి. మీరేమి బాధ పడకండి. అన్ని సద్దుకుంటాయి.. నేను వచ్చేసా గా. నేను చూసుకుంటాను.. మీరు విశ్రాంతి తీసుకోండి.. నేను బయలు దేరతాను” అన్నాడు మహేష్.. 

“సరే బాబు” అన్నారు జగపతి.. 

నిరీక్షణ - పార్ట్ 2/2 త్వరలో..

ఆచంట గోపాలకృష్ణ  గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు 

 ఇక్కడ క్లిక్ చేయండి.

విజయదశమి 2025 కథల పోటీల వివరాల కోసం

ఇక్కడ క్లిక్ చేయండి.

కొసమెరుపు కథల పోటీల వివరాల కోసం

ఇక్కడ క్లిక్ చేయండి.

మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.

మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.

లేదా story@manatelugukathalu.com కు text document/odt/docx/docs రూపంలో మెయిల్ చెయ్యవచ్చు.

 మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ 

మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.

https://www.facebook.com/ManaTeluguKathaluDotCom

గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.

రచయిత పరిచయం:

https://www.manatelugukathalu.com/profile/achanta

నా పేరు ఆచంట గోపాలకృష్ణ

రచనలు..కథలు ,సిరీస్ ,కవితలు సమీక్షలు రాయడం ఇష్టం..

15 సంవత్సరాలు గా రచనలు చేస్తున్నా..

నాకు flyincoloursachantagopalakrishna.blogspot.com అనే బ్లాగ్ ఉంది..

ఇంకా pratilipi ane magazine lo సిరీస్ రాస్తున్నా..