#NallabatiRaghavendraRao, #నల్లబాటిరాఘవేంద్రరావు, #PandagaMamulaGadidaGudda, #పండగ మామూలా గాడిద గుడ్డా, #TeluguComedyStories, #సరదాహాస్యకథ
Pandaga Mamula Gadida Gudda - New Telugu Story Written By - Nallabati Raghavendra Rao
Published In manatelugukathalu.com On 24/02/2025
పండగ మామూలా గాడిద గుడ్డా - తెలుగు కథ
రచన: నల్లబాటి రాఘవేంద్ర రావు
(ప్రముఖ రచయిత బిరుదు గ్రహీత)
కథా పఠనం: పద్మావతి కొమరగిరి
''హాయ్.. పెద్దకాపు గారు.. దండాలు అండి. నేనండి రామలింగడునండి. ధర్మ పభువులు చల్లగా ఉండాలా'' వంగి దండాలు పెడుతూ అన్నాడు రామలింగడు, ఆ ఊరి మోతుబరి పెద్దకాపు గారిని చూసి.
''రారా రామలింగడు. నేను చల్లగానే ఉన్నాను కానీ నువ్వేమిటి చాలా వేడి మీద ఉండి ఏదో అడగాలని వచ్చినట్టు ఉన్నావ్. ఈ మధ్యన బొత్తిగా నల్లపూస
అయిపోయావ్. మీ ఆవిడ పిల్లలు అందరూ బాగున్నారా.. ఎక్కడికి బయలుదేరావు. '' ప్రశాంతంగా అడిగారు పెద్దకాపు సర్వారాయుడు గారు.
''తమరి కోసమేనండి. ఒకసారి చూసి పోదామని వచ్చానండి. '' చేతులు నలుపుకుంటూ నీరసంగా భయంగా అన్నాడు రామలింగడు.
''అబ్బో నేనంటే నీకు చాలా ప్రేమ రా. సరే చూసావు కదా మీ ఇల్లు ఇటే అనుకుంటాను జాగ్రత్తగా వెళ్ళు. ఇదిగో తాగుడు మానేసావు కదా. '' చాలా ప్రేమగా అడిగినట్టు అడిగారు సర్వారాయుడుగారు.. రెండు అడుగులు ముందుకు వేస్తూ.
''అది ఎప్పుడో మరిచిపోయాను బాబు. మీరు గుర్తు చేశారు కదా.. మల్ల గేపకం వచ్చేసినది. సరేగాని మీతో చాలా మాట్లాడాలని వచ్చినాను అయ్య.. కాస్త ఆగండి బాబు. '' ఆయన వెనుక పరుగు పెడుతున్నట్టు నడుస్తూ అడిగాడు రామలింగడు.
“చెప్పు.. నడుచుకుంటూ మాట్లాడదాం. నాకు తీరు బడిగానే ఉందిలే. '' ఒక్క నిమిషం ఆగి నిలబడి విషయం చెప్పమని అడిగారు పెద్దకాపుగారు.
''ఏమీ.. లేదండి.. ఏమీ.. లేదండి.. '' చేతులు నలుపు కుంటూ అరికాళ్ళు నేల మీద రాస్తూ అడిగాడు.. రామలింగడు.
''ఏమీ లేదా ఏదో చాలా మాట్లాడాలి అన్నావు''
''ఏమీ.. లేదండి.. ఏమీ.. లేదండి.. ''
'''ఎందుకురా అలా చేతులు నలుపుతావు కచ్చితంగా మాట్లాడు. '' ధైర్యం తనే ఇచ్చి అడగమని అడిగారు పెద్ద కాపుగారు
''మరండి.. సంవత్సరాది, శ్రీరామనవమి పండుగలు వస్తున్నాయి కదా.. మరండి.. పండుగ మామూలు.. ఇస్తారని.. '' తల వంచుకొని గుడ్లు పైకెత్తి చూసి చూసి
బెదురుగానే అడిగాడు రామలింగడు.
''పండుగ మామూలా.. తప్పకుండా ఇస్తాను రా.
నాతో నడుచుకుంటూ మా ఇంటి వరకు రా.. గదిలో బీరువా లో ఉన్నాయి డబ్బులు, తీసి ఇస్తాను.. ఎంత ఇవ్వమంటావు?'' చాలా హ్యాపీగా ఆనందంగా సంతోషంగా మామిడి పండు వలిచి చేతులో పెట్టినట్టు ప్రేమగా అన్నారు సర్వారాయుడు గారు.
''ఓ వంద రూపాయలు పడేయండి. '' బాగా ఆనందంగా, మహదానందంగా అడిగేసాడు రామలింగడు.
''సరే.. కష్టపడి పని చేసుకుని డబ్బులు తీసుకోక ఈ పండుగ మామూళ్ళు ఏమిట్రా.. '' కాస్త విడమరచి అడిగారు పెద్దకాపు గారు.
''మీరే అలాగంటే ఎలాగండయ్యగారు.. ఈ సంవత్స రాది పండుగకు సరదాగా ఊళ్ళో అందరూ ఇచ్చిన డబ్బులు పోగుపెట్టి నా పెళ్ళాం పిల్లలతో టౌన్ కి వెళ్లి సినిమా చూసి పెద్ద హోటల్లో టిఫిన్ తిని.. అక్కడ పార్కులకు, ఆటల పోటీలకు తిరిగి తిరిగి.. ఆ తర్వాత వచ్చే శ్రీరామనవమి పండుగ ఐదురోజులు జల్సా చేస్తామండి..
మీకు చెప్పక పోవడం ఏమిటి బాబు.. కూసిన డబ్బులు మిగిలితే.. మందు కూడా ఏసేత్తామండి.. అదొక సరదా అండి.. మీరు.. కాదు.. అనకూడ దండి.
పూర్వం మా తాతలు అలాగే చేసావారండి. మా ముత్తాతలు అలాగే చేసేవారండి. దసరా మామూలు అయితే ఇంకా చాలా డబ్బులు వస్తాయండి.
అయ్యగారు.. మీరు కాదనకా వంద రూపాయలు ఇచ్చి తీరాలి అంతే.. '' కరాకండిగా.. ఇది జరిగి తీరాలి అన్నట్లు ఏమాత్రం జంకుబొంకూ లేకుండా అడిగేసాడు రామలింగడు.
''అంతే కదా.. తప్పకుండా ఇస్తాను రా.. ఇంకా ఏ వెయ్యిరూపాయ లో అడుగుతావని నేను కంగారు పడ్డాను. సరే కానీ నీకో విషయం చెప్పాలని ఉంది రా.. పోయినేడు నాకు కటింగ్ వేసే సుడిగాడు.. నీలాగే వంద రూపాయలు పండుగ మామూలు తీసుకున్నాడు.
సంవత్సరం పొడుగా మా ఇంట్లో అందరికీ కటింగులు వేసాడు.. దాని మొత్తం 300 రూపాయలు తేలింది.. ఎప్పుడు కటింగులు వేసిన.. "పండుగ మామూలు ఇచ్చాను కదా".. అంటే వెళ్ళిపోతుండేవాడు.. దీంతో నాకు రెండు వందల రూపాయలు లాభం.. ఆడికి 200 రూపాయలు బొర్రు. !.. చెబితే విన్నాడు కాదు..
సరే.. రా.. కూడా రా.. వస్తున్నావు కదా.. ఆ రామాలయం దాటితే నా ఇల్లే కదా.. అక్కడికి వెళ్ళాక నీకు డబ్బులు ఇస్తాలే.
ఈలోగా ఇంకో విషయం చెప్పనా.. మన సత్తి గాడు ఉన్నాడు కదా.. బట్టలు కుడతాడు..
ఆడు కూడా ఇలాగే.. పండుగ మామూలు, పండుగ మామూలు అంటూ తెగ చంపేవాడు.
200 రూపాయలు పండుగ మామూలు ఇమ్మన్నాడు. సరే కదా అని ఇచ్చాను. సంవత్సరం పొడుగునా వాడు కుట్టిన కొత్తబట్టలు పాత బట్టలు ఖర్చు 500 అయింది. వాడు కూడా పండుగ మామూలు తీసుకున్న మొహమాటం తో బట్టలు కుట్టినప్పుడల్లా డబ్బులు తీసుకునేవాడు కాదు. దాంతో నాకు మూడు వందల రూపాయలు లాభం ఆడికి 300 రూపాయలు బొర్రు.. ఇదన్నమాట విషయం.
అర్థం అయింది కదా.. ఏతావాత.. ఎటొచ్చి ఇప్పుడు నీకు నేను సంవత్సరాది.. శ్రీరామనవమి పండుగ మామూలు ఎంత ఇచ్చిన.. పూరా నాకు లాభమే కానీ నష్టం కాదురా.. సరే మాటల్లో మా ఇంటికి వచ్చేసాo.
నేను లోపలికి వెళ్లి తాళం తీసి బీరువాలో ఉన్న వంద రూపాయల నోటు తెచ్చి నీకు ఇస్తాను.
ఇట్లా.. అరుగు మీద కూర్చో.. అన్నట్టు మన పొలం గట్టుమీద 20 కొబ్బరి చెట్లు ఉన్నాయి కదా. పండగ వెళ్ళాక ఒకతూరి వచ్చి.. కొబ్బరికాయలన్ని దింపేసి గోని సంచుల్లో కట్టేసి మన దొడ్లో పాకలో పడేయ్.. వారానికోమారు వచ్చి కాపడు, ఏవో చిన్నా చితకా పనులు ఉంటాయి గందా.
ఇదిగో మా అమ్మాయి గారి పిల్లోడు ఉన్నాడు గందా.. ఆడు బడికి వెళ్ళనని అని రోజు ఏడుస్తున్నాడు. నువ్వు రోజు పొద్దున్నే తెల్లారకట్టే వచ్చేసి ఆ కుర్ర గాడిని శ్రీనగర్ బడి దగ్గర దింపేస్తూ ఉండు.. ఆ తర్వాత ఇంటికి వెళ్లి మొఖం కడుక్కుంది గానిలే.
వచ్చేటప్పుడు మన గరువు దగ్గరకు అలా వెళ్లి పాదులకు ఏమైనా పురుగులు పట్టినవి ఏమో చూసి కాసిని నీళ్లు పోసి వచ్చేస్తుండు.
ఇంటికాడ మూడు కర్ర నిచ్చెనలు విరిగిపోయాయి. మేదర దగ్గరికి పట్టుకెళ్ళి వాట్లను కూసంత బాగు చేయించు.
ఇదిగో అటక మీద పిడకలు ఉండి పోయాయి. మార్కెట్కి పట్టుకెళ్ళి ఓసారి అమ్మి పాడై.. ''
ఆగని హోరు వర్షం లా.. ఆగని వరద నీటి ప్రవాహం లా.. అలా గలగల గమ్మత్తుగా తనకు చేయవలసిన పనులన్నీ ఏకరవు పెట్టేస్తున్నారు పెద్దకాపు గారు.. తన ఇంటి మెట్లు ఎక్కుతూ.
ఉన్నట్టుండి.. తన వెనుకే రామలింగడు వస్తున్నాడో లేదోనని చిన్న అనుమానం వచ్చింది ఆయనకు.. సడన్గా పెద్దకాపు గారు వెనక్కి తిరిగి చూశాడు. చుట్టూ వెదికాడు.. దూరంగా కూడా చూశాడు..
రామలింగడు కనుచూపు మేరలో ఎక్కడా కనపడ లేదు.
పెద్ద కాపు గారా మజాకా.. మీసాలు నిలబెట్టుకుంటూ మెలి పెట్టుకుంటూ తన ఇంట్లోకి వెళ్లిపోయారు సర్వా రాయుడు గారు.. ఆ ఊరు మోతుబరి పెద్దకాపు గారు.
**
నల్లబాటి రాఘవేంద్ర రావు గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
ఉగాది 2025 కథల పోటీల వివరాల కోసం
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
30 /10 /2022 తేదీన హైదరాబాద్ రవీంద్ర భారతిలో మనతెలుగుకథలు.కామ్ వారిచే సన్మానింపబడి, ప్రముఖ రచయిత బిరుదు పొందారు.
రచయిత పరిచయం: నల్లబాటి రాఘవేంద్ర రావు
30 /10 /2022 తేదీన హైదరాబాద్ రవీంద్ర భారతిలో మనతెలుగుకథలు.కామ్ వారిచే సన్మానింపబడి, ప్రముఖ రచయిత బిరుదు పొందారు.
ముందుగా " మన తెలుగు కథలు" నిర్వాహకులకు నమస్సులు..
"రచయిత పరిచయం"..... ఇది చాలా ముఖ్యం.
రచయిత తన గొప్పలు చెప్పుకోవడం కాదు గాని తన గతచరిత్ర వివరాలు అందరికీ తెలియ చేయటం అవసరమే. ఈ చర్య ఆ రచయితకు మానసికంగా ఎంతగానో ఉపయోగపడి అతను మరిన్ని మంచి మంచి రచనలు చేసి సమాజానికి అందించే అవకాశం ఉంది.. ఎంతో పెద్ద ఆలోచనతో అలాంటి 'మహా ప్రయత్నం'.. చేస్తున్న 'మన తెలుగు కథలు' కు మరొక్కసారి అభినందనలు.
పునాది....
-----------
ఏడు సంవత్సరాలు వయసు నాది. మా తండ్రి సుబ్బారావు గారు ప్రోత్సాహంతో శ్రీ కృష్ణార్జున యుద్ధం అనే 10 నిమిషాల నాటకాన్ని నేనే రాసి కృష్ణుడి వేషం నేనే వేసి దర్శకత్వం నేనే చేసి పెద్ద స్టేజి మీద దసరా నవరాత్రులకు ప్రదర్శించాము.
ఆ తర్వాత భక్త ప్రహ్లాద లో ప్రహ్లాదుడు గా.. మరో నాటకంలో శ్రీరాముడుగా.. రచన దర్శకత్వం నాదే.. ఏడు సంవత్సరాల వయస్సు.
తర్వాత పదిహేను సంవత్సరాల వయసులో
టెన్త్ క్లాస్ యానివర్సరీ కి 15 మంది నటులతో నా దర్శకత్వం లో పెద్ద స్టేజి మీద నాటకం వేసాము.
అప్పుడే నేను రచయితను కావాలన్న
ఆశయం మొగ్గ తొడిగింది.
నా గురించి..
---------------
50 సంవత్సరాల సుదీర్ఘ సాహితీ ప్రయాణం.
450 ప్రచురిత కథల రచన అనుభవం.
200 గేయాలు నా కలం నుండి జాలువారాయి
200 కవితలు నా మేధస్సు నుండి ఉద్భవించాయి
20 రేడియో నాటికలు ప్రసారం.
10 టెలీఫిల్మ్ ల నిర్మాణం.
200 కామెడీ షార్ట్ స్కిట్స్
3 నవలలు దినపత్రికలలో
" దీపావళి జ్యోతి "అవార్డు,
"రైజింగ్స్టార్" అవార్డు
" తిలక్ స్మారక" అవార్డు... మరికొన్ని అవార్డులు.
ప్రస్తుత ట్రెండ్ అయిన ఫేస్బుక్ లో ముఖ్యమైన 15 గ్రూపుల్లో... ఇంకా అనేక వెబ్ సైట్లు, బ్లాగులు,ఆన్లైన్ పత్రికలలో యాక్టివ్ గా తరచు నాకథలు, కవితలు,గేయాలు, ముఖ్యంగా కామెడీ షార్ట్ స్కిట్స్ ప్రతి రోజూ దర్శనమిస్తూ ఉంటాయి..
రమారమి 75 అవార్డులు, రివార్డులు అందు కున్నాను... అని గర్వంగా చెప్పుకునే అవకాశం కలగటం... ఆ చదువులతల్లి అనుగ్రహమే!
ఇదంతా ఒక్కసారిగా మననం చేసుకుంటే... 'పడని సముద్ర కెరటం' లా... నూతనశక్తి మళ్లీ పుంజుకుంది.
ఇక నా విజయ ప్రయాణగాధ....
------+------------------------------
పేపర్లెస్ రచయితగా... ఒక కుగ్రామం లో పేరు ప్రఖ్యాతులు పొందిన నా తండ్రి సుబ్బారావు గారు నా ఆలోచనలకు, రచనలకు ప్రాణప్రతిష్ట చేసిన ప్రథమగురువు. తల్లి వీరభద్రమ్మ నాకే కాదు నా కథలకూ ప్రాణదాతే!!
తదుపరి రమారమి 50 సంవత్సరాల క్రితమే.. మా ఊరివాడైన నా జూనియర్ క్లాస్మేట్... నా స్నేహితుడు ఇప్పటి సినీ దర్శకుడు " వంశీ "... కథలు రాస్తూ... నన్ను కూడా కథలు రాయ మని... చెప్తుండేవాడు. అప్పటి నుండి ఎక్కువగా రాయడం మొదలు పెట్టాను.ఆ తర్వాత మా ఊరి వారైన సినీ గేయరచయిత
" అదృష్టదీపక్".. నా కథలు.. చదివి.. మెచ్చు కునే వారు.. దాంతో ఇంకా విరవిగా కథలు రాయడం మొదలు పెట్టాను.
1. మొదటి రచన 1975 నాటి ప్రఖ్యాత పత్రిక "ఆంధ్రసచిత్రవారపత్రిక" లో బుద్ధిలేనిమనిషి కథ.
2. రేడియో నాటికలు గొల్లపూడి మారుతీ రావు గారి సమకాలంలో విరవిగా వచ్చాయి.
3. సినిమాకథలపోటీ లో అలనాటి "విజయచిత్ర" ద్వితీయబహుమతి కథ.. "డిసెంబర్ 31 రాత్రి"
4. ఉగాది కథలపోటీ "ఆంధ్రభూమి" బహుమతి కథ
5. ఉగాది కథల పోటీలో "ఆంద్రజ్యోతి" బహు మతి కథ
6. దీపావళి కథలు పోటీలో "ఆంధ్రజ్యోతి" బహుమతి కథ.
7. అప్పాజోస్యుల( అమెరికా) నిర్వహించిన కథల పోటీలో "నలుగురితో నారాయణ".. ఆంధ్రప్రభ విశిష్ట కథ ప్రచురణ
8. అల్లూరి స్మారక జయంతి "కళావేదిక " కరప తిలక్ స్మారక అవార్డు కథ " బ్రతుకు జీవుడా"
9. "స్వాతి " తానా అమెరికా కథల పోటీలో ప్రచురణ కు ఎన్నికైన కథ..." వైష్ణవమాయ."
10. రాష్ట్రస్థాయి కథలపోటీ హైదరాబాద్ "నిమ్స్"ద్వితీయ బహుమతి కథ..న్యాయనిర్ణేత శ్రీమతి యద్దనపూడి సులోచనారాణి." బంగారు పేకమేడ"
11. "అనిల్ అవార్డ్" స్వాతి కన్సోలేషన్ బహు మతి..." అమృతం కురిసింది"
12. సస్పెన్స్ కథల పోటీ "స్వాతి" లో ఎన్నికైన కథ
13. "పులికంటి సాహితీ సంస్థ" రాష్ట్రస్థాయి పోటీలకు ఎన్నికైన కథ..
14. రాష్ట్రస్థాయి కథలపోటీ "ఆరాధన" హైదరా బాద్ ద్వితీయ బహుమతి కథ.." అదిగో స్వర్ణ యుగం" న్యాయనిర్ణేత జ్ఞానపీఠ అవార్డు గ్రహీత.. శ్రీ రావూరి భరద్వాజ గారు.
15. "అభ్యుదయ ఫౌండేషన్" కాకినాడ రాష్ట్ర స్థాయి అత్యుత్తమ కథ.. " ఐదేళ్ల క్రితం " .
16. సి.పి.బ్రౌన్ "సాహితీ స్రవంతి".. ప్రత్యేక కథ
" ఇంద్రలోకం".
17. కొమ్మూరి సాంబశివరావు స్మారక సస్పెన్సు కథల పోటీలో "నవ్య' ప్రచురణకు ఎన్నికైన కథ.
18. "వేలూరు పాణిగ్రహి" విజయవాడ " గాంధీ తాత" రాష్ట్రస్థాయి ద్వితీయ బహుమతి కథ.
19. 'కదలిక'... సర్వశిక్షఅభియాన్ రాష్ట్ర ప్రభుత్వ సహకారంతో నిర్మింపబడిన అత్యున్నత టెలీ ఫిల్మ్... చిన్న సినిమా.
20. "అల కమ్యూనికేషన్" హైదరాబాద్ కథల పోటీలో ఎంపికైన కథ...." హృదయానికి శిక్ష".
21. రాష్ట్రస్థాయి కథలపోటీ "మైత్రేయ కళాసమితి" మెదక్.. పుస్తక సంకలనానికి ఎన్నికైన కథ. "బిందెడు నీళ్లు".
22. రాష్ట్ర స్థాయి కథల పోటీలు "జాగృతి" కన్సోలేషన్ బహుమతి కథ "ఆలస్యం అమృతం విషం"
23. రాష్ట్రస్థాయి దీపావళి కథల పోటీ "ఆంధ్ర ప్రదేశ్" పత్రిక ప్రత్యేక బహుమతి హాస్య కథ.
24. రాష్ట్రస్థాయి దీపావళి కథల పోటీ "ఆంధ్రప్రభ" ప్రచురణకు ఎంపికైన కథ.
25. దీపావళి కథల పోటీ "ఆంధ్రభూమి" ప్రచురణ కు ఎన్నికైన కథ.
26. రాష్ట్రస్థాయికథల పోటీ "ఆప్కో ఫ్యాబ్రిక్స్" హైదరాబాద్ నిర్వహణ పోటీ లో ఎన్నికైన కథ.
27. రాష్ట్రస్థాయి కథలపోటీ "ఆంధ్రప్రదేశ్పత్రిక" కు ఎన్నికైన హాస్యకథలు." చంద్రమండలంలో స్థలమును అమ్మబడును".
28.దీపావళి కథల పోటీ "జాగృతి" పత్రిక కు ఎన్నికైన కథ.
29. "హాస్యానందం" విశేష స్కిట్స్ కొరకు.. "రైజింగ్ స్టార్".. అవార్డు.
30 ఆంధ్రజ్యోతి "భావ తరంగం" వారం వారం 30 కథలు.
31. "కళా దర్బార్" రాజమండ్రి.. రాష్ట్రస్థాయి కవితలపోటీలలు... 4 సంవత్సరాలు ఉత్తమ కవిత్వానికి ప్రథమ బహుమతి...మూడుసార్లు.. ఉత్తమ కవిత్వానికి ద్వితీయ బహుమతి.
32.."హాసం" మాస పత్రిక లో ప్రచురింపబడిన "చిరాకు దంపతులు చింతకాయ పచ్చడి" కథ చదివిన చాలా మంది సినీ ప్రముఖులు ఫోన్ కాల్స్ చేసి అభినందించడం.
33. ప్రఖ్యాత సిరివెన్నెల పత్రికలో సిరివెన్నెల సీతా రామశాస్త్రి గారి నిర్వహణలో జానపద పాటల పోటీలో ప్రథమ బహుమతి పాటకు వారి నుండి పత్రికాముఖంగా ప్రత్యేక ప్రశం సలు.. తదుపరి ఆ పాట అనేక రంగస్థల ప్రదర్శనలు పొందడం.
34. విశేష కథలుగా పేరు ప్రఖ్యాతులు తెచ్చిన కథలు
నలుగురితోనారాయణ
కొరడా దెబ్బలు
అమృతం కురిసింది.
వైష్ణవమాయ
ఐదేళ్ల క్రితం
ఇంద్రలోకం
బిందెడు నీళ్లు
చంద్రమండలంలో స్థలములు అమ్మబడును
డిసెంబర్ 31 రాత్రి
మహాపాపాత్ముడు
35. రాజమండ్రి ,కాకినాడ ,విజయవాడ, విశాఖ పట్నం ,రామచంద్రపురంలో.. విశేష సన్మానాలు.
ప్రస్తుతం...
1. ఒక పరిశోధన నవల.. ఒక చారిత్రక నవల రాసే ప్రయత్నం
2. పరిషత్ నాటికలు జడ్జిగా..
3. కొందరు సినీప్రముఖుల ప్రోత్సాహంతో..
సినిమాలకు కథ మాటలు స్క్రీన్ప్లే అందించే ప్రయత్నం.
4. .. 4 కథల సంపుటిలు... రెండు కవితా సంపుటిలు.. 1గేయ సంపుటి.. 2 కామెడీ షార్ట్ స్కిట్స్.. రెండు నాటికల సంపుటిలు..ఒక నవల ప్రచురణ తీసుకొచ్చే ప్రయత్నం.
5. ఒక ప్రింటెడ్ పత్రిక ప్రారంభించే ఉద్దేశ్యం.
భార్య.. గోవిందీశ్వరి... హౌస్ వైఫ్.
కుమారుడు... వెంకట రామకృష్ణ .. బి.టెక్ సాఫ్ట్వేర్ ఇంజనీర్... మైక్రోసాఫ్ట్.. హైదరాబాద్.
కోడలు... మాధురీ లత..... ఎం ఫార్మసీ.
కుమార్తె.. సౌభాగ్య.. స్టూడెంట్.
మనుమరాలు.. ఆద్య... యాక్టివ్ బేబీ.
నా కథలను ఆదరించి తమ అమూల్య అభి ప్రాయాలు తెలియజేస్తున్న... రెండు రాష్ట్రాల తెలుగు ప్రజలందరికీ... వినమ్ర నమస్సులు.
నల్లబాటి రాఘవేంద్ర రావు
lakshmi p
•9 minutes ago
చాలా బావుంది
చిన్నదైన మిన్నగా ఉన్న ఈ కథ నిజ జీవితం లో ఎదుర్కొన్నట్టు ఉంది. హాస్యకథలకు ప్రాముఖ్యత ఇచ్చే మీరు కొంత మలుపు తిప్పారు.