#NallabatiRaghavendraRao, #నల్లబాటిరాఘవేంద్రరావు, #PelliMidaPelliElaraBabu, #పెళ్లిమీదపెళ్లిఎలారాబాబు, #TeluguFantacStories, #తెలుగుకథలు
Pelli Mida Pelli Elara Babu - New Telugu Story Written By - Nallabati Raghavendra Rao
Published In manatelugukathalu.com On 20/03/2025
పెళ్లి మీద పెళ్లి ఎలారా బాబు - తెలుగు కథ
రచన: నల్లబాటి రాఘవేంద్ర రావు
(ప్రముఖ రచయిత బిరుదు గ్రహీత)
కథా పఠనం: మల్లవరపు సీతారాం కుమార్
“ఒకే ముహూర్తం 4 శుభ రేఖలు.. ఈ ఊరిలోనే నాలుగు చోట్ల పెళ్లిళ్లు. అయినప్పటికీ ఎలా వెళ్తాము. ఎలా గోలా రెండు పెళ్ళిళ్లకు హాజరు అవ్వగలం. మూడవ పెళ్లి వారు అంత తెలియదు కనుక వెళ్లక పోయినా పర్వాలేదు. ఇక నాలుగవ శుభలేఖ మా సత్యవతి వదిన గారి అమ్మాయి పెళ్లి. గతంలో ఎక్కడ కనబడినా పెళ్లికి మరీ మరీ రావాలని తెగ చెప్పేది. మీ ఇంట్లో పెళ్లికి రాకుండా నేను ఎలా ఉంటాను అనేదాన్ని. మొన్న పెళ్లికూతురుని చేసినప్పుడు వెళ్లాను కదా.. అందుకనే ఇప్పుడు పెళ్లికి వెళ్లడం డుమ్మ కొట్టేద్దాం అనుకుంటున్నాను.. మీ ఉద్దేశం ఏమిటి.. ?'' భర్తను అడిగింది అనంతలక్ష్మి.
''అనంతలక్ష్మి.. నీకు మేకప్ చేయడం బాగావచ్చు కదా. ఈరోజు నువ్వు చెప్పిన ఆ రెండు పెళ్లిళ్లకు వెళ్లి వచ్చేద్దాం. రేపు పొద్దున్న మీ సత్యవతి వదినకు ఫోన్ చేసి మనిద్దరం వాళ్ళ అమ్మాయి పెళ్ళికి వచ్చినట్టు జనం హడావిడిలో కలిసికోలేకపోయినట్టు.. భోజనాలు చేసి కాసేపు కూర్చుని కొంతమంది తో మాట్లాడి వెళ్ళిపోయినట్టు.. అలా అలా కవరింగ్ చేసి బిల్డప్ గా ఏదో ఒకటి చెప్పి నమ్మకం కలిగించు. మీ సత్యవతి వదిన ఎక్కడైనా కనబడినా నేను కూడా అలాగే చెప్తాను'' అంటూ చెప్పాడు భర్త రామారావు.
అలా ఒక నిర్ణయానికి వచ్చిన వాళ్ళు ఇద్దరూ కలిసి ఊర్లో జరిగిన ఓ రెండు పెళ్లిళ్లకు వెళ్లి వచ్చేసారు అదే రోజు రాత్రి 1:00 ప్రాంతానికి.
తెల్లవారింది.. నెమ్మదిగా10 గంటలు అయ్యింది.
అనంతలక్ష్మి రామారావు ఇద్దరు హాలులో చెరొక కుర్చీ మీద కూర్చున్నారు.
పెళ్లికి వచ్చినట్టు మేకప్ కవరింగ్ చేయడం కోసం తన వదినతో మాట్లాడడానికి సెల్ ఆన్ చేసిందిఅనంతలక్ష్మి.
''సత్యవతి వదిన ఏం చేస్తున్నావు. నిన్న రాత్రి మీ అమ్మాయి జయ పెళ్లికి మేము ఇద్దరం వచ్చాము. నువ్వు చాలా బిజీగా ఉన్నావు. తాళిబొట్టు కార్య క్రమం వరకు ఉండి పెళ్లి భోజనాలు చేసి శ్రీనగర్ కాలనీ లో మరో పెళ్లి ఉంటే వెళ్ళవలసి వచ్చింది. వాళ్లు కూడా బాగా కావలసిన వాళ్లు. నువ్వు ఏమీ అనుకోవు కదా అని వెళ్ళాము.
అవును కానీ వదిన మీరు ఆ పెళ్లి మంటపoలో పూల వర్క్ ఎంత గొప్పగా చేయించావో. రంగురంగు బల్బుల లైటింగ్ ఎంత బాగా కుదిరిందో. రెండు కళ్ళు చాల లేదనుకో చూడడానికి. మీ అన్నయ్య నేను చాలా ఫోటోలు తీసుకున్నాము. దూరాన్ని ఉండిపోయావు. రెండుసార్లు పిలిచాను నిన్ను.
ఆ హడావిడిలో నువ్వు వెనక్కి తిరిగి చూస్తే కదా. సరే పెళ్లి వారితో మాటలు హడావిడిలో ఉన్నావని నేను నిన్ను విసిగించితే బాగో దని అక్కడే దూరంగా ఉండి చూసాం. కానీ ఏ మాటకా మాటే చెప్పాలి సత్యవతి వదిన నీ సెలక్షన్ బెస్ట్ అమ్మా యికి అబ్బాయికి సూపర్ గా కుదిరింది.
రాత్రి పెళ్లి లో చెబుదామంటే కుదరలేదు.. నువ్వు కట్టు కున్న పట్టుచీర కూడా చాలా బాగుంది. ఒకమాట చెప్పమంటావా పెళ్లిలో అందరికన్నా నువ్వే సూపర్. నీదే స్పెషల్ ఎపియెరెన్స్.
మీ అన్నయ్య కూడా చాలా బాగుంది కదా మీ వదిన కట్టుకున్న చీర అన్నారు.. మాకు వెంటనే ఇంకొక పెళ్లి ఉండబట్టి వెళ్ళిపోయాము కానీ నీతో పాటు పెళ్లి చివరి వరకు నేను ఉండేదాన్ని. మనలో మనం ఐక మత్యంగా ఉండి కార్యక్రమాలకు నిండుదనం తీసుకు రాపోతే ఎలా చెప్పు వదిన.
పోనీ నేను ఇక్కడ ఉంటాను శ్రీనగర్ కాలనీ పెళ్ళికి మీరు వెళ్ళండి అని మీ అన్నగారితో చెప్పాను. ఆయన గురించి నీకు తెలుసు కదా బాగా పిరికి గుడ్డు. ఏమిటో అంతా నేనే గలగల మాట్లాడేస్తున్నాను. నువ్వు మాట్లాడడం లేదు. వద్దులే ఎప్పుడైనా కలుసుకున్నప్పుడు విషయాలన్నీ పూర్తిగా చెబిదీ గాని.
ఇలా ఫోన్లో రాత్రి జరిగిన పెళ్లి విషయాలు నువ్వు నాకు చెబితే తృప్తిగా ఉండదు నాకు. అవును మీవారు పెళ్ళిలో గలగల అందరితో మాట్లాడుతూ ఎంత హడా విడి చేసేసారో. నాకు చాలా సరదా పుట్టింది. మొత్తం విషయాలన్నీ నీతో కలిసినప్పుడు మాట్లాడతానులే వీధిలో కరివే పాకు అబ్బాయి వచ్చాడు ఉంటాను.. '' అంటూ అనంతలక్ష్మి అవతల నుండి ఎవరు మాట్లాడ డానికి అవకాశం ఇవ్వకుండా గబగబా మాట్లాడేసి సెల్ పెట్టేసింది.
''అదరగొట్టావు '' అంతా విన్న భర్త రామారావు అనంతలక్ష్మీ ని పొగిడేసాడు.
''అంతా విన్నారు కదా. ముక్కు మీద పడేలా కళ్ళ జోడు పెట్టుకుని స్టైల్ గా ఫోజులు పెట్టడం కాదు.. నన్ను పొగడడం కాదు నా మాటలకు మ్యాచ్ అయ్యేటట్టు మా వదిన వాళ్ల ఆయనతో మాట్లాడండి ఆయన సెల్ నెంబర్కు'' అంటూ భర్త కళ్ళలోకి చూసి చెప్పింది.
భర్త రామారావు.. చూస్తావు కదా ఎలా మాట్లాడుతానో.. అన్నట్టు పోజు పెట్టి తన జేబులోంచి తన సెల్ తీసి ఫోన్ చేశాడు.. సత్యవతి భర్త సత్యనారాయణకు.
అవతల సెల్ ఆన్ చేశారు.
''సత్యనారాయణ.. గట్టెక్కేశావు. నాలుగు రోజుల క్రితం బజార్లో కనపడినప్పుడు నాతో.. ఈ పెళ్లి ఎలా జరుగుతుందో నాకు ఎవరు సహాయం లేరు.. అన్నట్టు భయపడిపోతూ మాట్లాడావు. నేను అదే పూర్తవుతుం దిలే అని ధైర్యం చెప్పాను గుర్తుంద..
రాత్రి నువ్వు మా వైపు చూస్తేనా. సినిమా హీరో కన్నా చాలా హడావిడి చేస్తూ.. రచ్చ రచ్చ చేసేసావ్ అనుకో.
రాత్రి భోజనాలు సూపర్ గా ఉన్నాయి. కూరలు బ్రహ్మాండo. స్వీట్ రెండు సార్లు వేయించుకున్నాను అంటే నమ్ము అంత బాగుంది. పెళ్లి చాలా గ్రాండ్ గా చేసావ్ అంటూ వచ్చిన వాళ్ళందరూ మెచ్చుకున్నారు. బంధువులకు ఫ్రెండ్స్ కు బాగా ఎక్కువ మందికి చెప్పిన ట్టున్నావు. అందుకనే చాలా హడావిడి అయిపో యింది. మేమిద్దరం మీ దగ్గరకు వచ్చి పలకరిద్దాం అంటేనే కుదరలేదు. రెండు రోజుల్లో మేమిద్దరం మీ ఇంటికి వస్తాం అప్పుడు కూర్చుని ఒక గంట మాట్లాడు కుందాం.
నువ్వు చూడలేదు కానీ భోజనాలలో నేను కూడా వడ్డన చేశాను కాసేపు.
ఇంకో విషయం చెప్పనా. పెళ్లి కొడుకు చాలా అందంగా ఉన్నాడు. ఎంత తిరిగావో నాకు తెలియదు గానీ ఈడు జోడు బ్రహ్మాండంగా ఉంది. నువ్వు నక్క తోక, కుక్క తోక కూడా తొక్కేశావు. ఫోన్లో ఎంత సేపు మాట్లాడుతాను కానీ మేమిద్దరం మీ ఇంటికి వస్తాం కదా.. అప్పుడుమాట్లా డదాం లే. '' అంటూ రామారావు ఎదుటి వ్యక్తి మాట్లాడడానికి అవకాశం ఇవ్వకుండా గలగల మాట్లాడేసాడు. అవ కాశం ఇస్తే ఎదుటి వ్యక్తి ఏదైనా క్వశ్చన్ వేస్తే చెప్పడానికి అవకాశం ఉండదని అలా మాట్లాడేసాడు అన్నమాట.
అలా మాట్లాడేసిన రామారావు భార్య వైపు చూసి నవ్వుకుంటూ.. సెల్ ఆఫ్ చేయబోయాడు.
అవతల నుండి..
''అంకుల్! ఆగండి ఫోన్ పెట్టేయ కండి..” అన్న డైలాగులు సెల్ ప్లాస్టిక్ క్యాప్ స్పీకర్ నుండి ఎలాగోలాగా దాటి రామారావు చెవి కర్ణభేరి ని తగిలాయి.
''స్పీకర్ పెట్టండి స్పీకర్ పెట్టండి '' అన్నట్టు సైగ చేసి చెప్పింది అనంత లక్ష్మి.
ఆమె భర్త రామారావు అలాగే స్పీకర్ పెట్టాడు..
అంతే అవతల వాళ్ళు సెల్ లో నుండి మాట్లాడుతున్న మాటలు ఆ రూమంతా హోరెత్తిపోతున్నాయి.. పెద్ద సౌండ్ తో.
''అంకుల్.. ఇందాక ఆంటీ, ఇప్పుడు మీరు.. ఇద్దరు ఒక్క సెకండ్ కూడా నాకు మాట్లాడడానికి అవకాశం ఇవ్వలేదు.
నేను అంకుల్.. మీరిద్దరూ ఇంతసేపు మాట్లాడింది ఎవరితో అనుకుంటున్నారు.. సత్యవతి గారి అబ్బాయిని. బుజ్జి పండు ని. మా అమ్మ నాన్న వాళ్ల సెల్ లు కిందన పెట్టి పైన మేడ మీద రూమ్ లో ఏదో సదురుకుంటు న్నారు. నేను వాళ్ల సెల్లు ఉన్నచోట కూర్చునే రాసు కుంటున్నాను.
ఇంతసేపు మీరిద్దరూ నాతోనే అన్ని విషయాలు చెప్పారు అన్నమాట.
విషయం ఏమిటి అంటే మా అక్క పెళ్లి నిన్న రాత్రి జరగలేదు. పెళ్ళికొడుకు తాలూకా వాళ్ళ ఇంట్లో ఏదో అశుభం జరిగిందట అప్పటికప్పుడు రావడం లేదని చెప్పారు. మేమందరం చాలా బాధపడిపోయి అలా కూర్చుండిపోయి కళ్యాణ మండపం నుండి తెల్లవారు జామున ఇంటికి వచ్చాం.
మళ్లీ ముహూర్తాలు తర్వాత పెట్టుకుందాం అన్నారు'' అంటూ సెల్ కట్టేశాడు.. అవతల ఆ అబ్బాయి బుజ్జి పండు.
అంతా పూర్తిగా విన్న రామారావు.. దభాలున కింద పడిపోయి కాళ్లు చేతులు కొట్టుకుంటూ భార్య అనంత లక్ష్మి కి సైగ చేసి చెప్పాడు. స్పీకర్ ద్వారా విన్న ఆవిడ కూడా కాలు జారీ కిందపడి.. బుర్ర మీద వెంట్రుకలు పీక్కుంటుంది.
***
నల్లబాటి రాఘవేంద్ర రావు గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు
ఉగాది 2025 కథల పోటీల వివరాల కోసం
మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.
మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.
లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.
దయ చేసి సబ్స్క్రయిబ్ చెయ్యండి ( పూర్తిగా ఉచితం ).
మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.
గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.
30 /10 /2022 తేదీన హైదరాబాద్ రవీంద్ర భారతిలో మనతెలుగుకథలు.కామ్ వారిచే సన్మానింపబడి, ప్రముఖ రచయిత బిరుదు పొందారు.
రచయిత పరిచయం: నల్లబాటి రాఘవేంద్ర రావు
30 /10 /2022 తేదీన హైదరాబాద్ రవీంద్ర భారతిలో మనతెలుగుకథలు.కామ్ వారిచే సన్మానింపబడి, ప్రముఖ రచయిత బిరుదు పొందారు.
ముందుగా " మన తెలుగు కథలు" నిర్వాహకులకు నమస్సులు..
"రచయిత పరిచయం"..... ఇది చాలా ముఖ్యం.
రచయిత తన గొప్పలు చెప్పుకోవడం కాదు గాని తన గతచరిత్ర వివరాలు అందరికీ తెలియ చేయటం అవసరమే. ఈ చర్య ఆ రచయితకు మానసికంగా ఎంతగానో ఉపయోగపడి అతను మరిన్ని మంచి మంచి రచనలు చేసి సమాజానికి అందించే అవకాశం ఉంది.. ఎంతో పెద్ద ఆలోచనతో అలాంటి 'మహా ప్రయత్నం'.. చేస్తున్న 'మన తెలుగు కథలు' కు మరొక్కసారి అభినందనలు.
పునాది....
-----------
ఏడు సంవత్సరాలు వయసు నాది. మా తండ్రి సుబ్బారావు గారు ప్రోత్సాహంతో శ్రీ కృష్ణార్జున యుద్ధం అనే 10 నిమిషాల నాటకాన్ని నేనే రాసి కృష్ణుడి వేషం నేనే వేసి దర్శకత్వం నేనే చేసి పెద్ద స్టేజి మీద దసరా నవరాత్రులకు ప్రదర్శించాము.
ఆ తర్వాత భక్త ప్రహ్లాద లో ప్రహ్లాదుడు గా.. మరో నాటకంలో శ్రీరాముడుగా.. రచన దర్శకత్వం నాదే.. ఏడు సంవత్సరాల వయస్సు.
తర్వాత పదిహేను సంవత్సరాల వయసులో
టెన్త్ క్లాస్ యానివర్సరీ కి 15 మంది నటులతో నా దర్శకత్వం లో పెద్ద స్టేజి మీద నాటకం వేసాము.
అప్పుడే నేను రచయితను కావాలన్న
ఆశయం మొగ్గ తొడిగింది.
నా గురించి..
---------------
50 సంవత్సరాల సుదీర్ఘ సాహితీ ప్రయాణం.
450 ప్రచురిత కథల రచన అనుభవం.
200 గేయాలు నా కలం నుండి జాలువారాయి
200 కవితలు నా మేధస్సు నుండి ఉద్భవించాయి
20 రేడియో నాటికలు ప్రసారం.
10 టెలీఫిల్మ్ ల నిర్మాణం.
200 కామెడీ షార్ట్ స్కిట్స్
3 నవలలు దినపత్రికలలో
" దీపావళి జ్యోతి "అవార్డు,
"రైజింగ్స్టార్" అవార్డు
" తిలక్ స్మారక" అవార్డు... మరికొన్ని అవార్డులు.
ప్రస్తుత ట్రెండ్ అయిన ఫేస్బుక్ లో ముఖ్యమైన 15 గ్రూపుల్లో... ఇంకా అనేక వెబ్ సైట్లు, బ్లాగులు,ఆన్లైన్ పత్రికలలో యాక్టివ్ గా తరచు నాకథలు, కవితలు,గేయాలు, ముఖ్యంగా కామెడీ షార్ట్ స్కిట్స్ ప్రతి రోజూ దర్శనమిస్తూ ఉంటాయి..
రమారమి 75 అవార్డులు, రివార్డులు అందు కున్నాను... అని గర్వంగా చెప్పుకునే అవకాశం కలగటం... ఆ చదువులతల్లి అనుగ్రహమే!
ఇదంతా ఒక్కసారిగా మననం చేసుకుంటే... 'పడని సముద్ర కెరటం' లా... నూతనశక్తి మళ్లీ పుంజుకుంది.
ఇక నా విజయ ప్రయాణగాధ....
------+------------------------------
పేపర్లెస్ రచయితగా... ఒక కుగ్రామం లో పేరు ప్రఖ్యాతులు పొందిన నా తండ్రి సుబ్బారావు గారు నా ఆలోచనలకు, రచనలకు ప్రాణప్రతిష్ట చేసిన ప్రథమగురువు. తల్లి వీరభద్రమ్మ నాకే కాదు నా కథలకూ ప్రాణదాతే!!
తదుపరి రమారమి 50 సంవత్సరాల క్రితమే.. మా ఊరివాడైన నా జూనియర్ క్లాస్మేట్... నా స్నేహితుడు ఇప్పటి సినీ దర్శకుడు " వంశీ "... కథలు రాస్తూ... నన్ను కూడా కథలు రాయ మని... చెప్తుండేవాడు. అప్పటి నుండి ఎక్కువగా రాయడం మొదలు పెట్టాను.ఆ తర్వాత మా ఊరి వారైన సినీ గేయరచయిత
" అదృష్టదీపక్".. నా కథలు.. చదివి.. మెచ్చు కునే వారు.. దాంతో ఇంకా విరవిగా కథలు రాయడం మొదలు పెట్టాను.
1. మొదటి రచన 1975 నాటి ప్రఖ్యాత పత్రిక "ఆంధ్రసచిత్రవారపత్రిక" లో బుద్ధిలేనిమనిషి కథ.
2. రేడియో నాటికలు గొల్లపూడి మారుతీ రావు గారి సమకాలంలో విరవిగా వచ్చాయి.
3. సినిమాకథలపోటీ లో అలనాటి "విజయచిత్ర" ద్వితీయబహుమతి కథ.. "డిసెంబర్ 31 రాత్రి"
4. ఉగాది కథలపోటీ "ఆంధ్రభూమి" బహుమతి కథ
5. ఉగాది కథల పోటీలో "ఆంద్రజ్యోతి" బహు మతి కథ
6. దీపావళి కథలు పోటీలో "ఆంధ్రజ్యోతి" బహుమతి కథ.
7. అప్పాజోస్యుల( అమెరికా) నిర్వహించిన కథల పోటీలో "నలుగురితో నారాయణ".. ఆంధ్రప్రభ విశిష్ట కథ ప్రచురణ
8. అల్లూరి స్మారక జయంతి "కళావేదిక " కరప తిలక్ స్మారక అవార్డు కథ " బ్రతుకు జీవుడా"
9. "స్వాతి " తానా అమెరికా కథల పోటీలో ప్రచురణ కు ఎన్నికైన కథ..." వైష్ణవమాయ."
10. రాష్ట్రస్థాయి కథలపోటీ హైదరాబాద్ "నిమ్స్"ద్వితీయ బహుమతి కథ..న్యాయనిర్ణేత శ్రీమతి యద్దనపూడి సులోచనారాణి." బంగారు పేకమేడ"
11. "అనిల్ అవార్డ్" స్వాతి కన్సోలేషన్ బహు మతి..." అమృతం కురిసింది"
12. సస్పెన్స్ కథల పోటీ "స్వాతి" లో ఎన్నికైన కథ
13. "పులికంటి సాహితీ సంస్థ" రాష్ట్రస్థాయి పోటీలకు ఎన్నికైన కథ..
14. రాష్ట్రస్థాయి కథలపోటీ "ఆరాధన" హైదరా బాద్ ద్వితీయ బహుమతి కథ.." అదిగో స్వర్ణ యుగం" న్యాయనిర్ణేత జ్ఞానపీఠ అవార్డు గ్రహీత.. శ్రీ రావూరి భరద్వాజ గారు.
15. "అభ్యుదయ ఫౌండేషన్" కాకినాడ రాష్ట్ర స్థాయి అత్యుత్తమ కథ.. " ఐదేళ్ల క్రితం " .
16. సి.పి.బ్రౌన్ "సాహితీ స్రవంతి".. ప్రత్యేక కథ
" ఇంద్రలోకం".
17. కొమ్మూరి సాంబశివరావు స్మారక సస్పెన్సు కథల పోటీలో "నవ్య' ప్రచురణకు ఎన్నికైన కథ.
18. "వేలూరు పాణిగ్రహి" విజయవాడ " గాంధీ తాత" రాష్ట్రస్థాయి ద్వితీయ బహుమతి కథ.
19. 'కదలిక'... సర్వశిక్షఅభియాన్ రాష్ట్ర ప్రభుత్వ సహకారంతో నిర్మింపబడిన అత్యున్నత టెలీ ఫిల్మ్... చిన్న సినిమా.
20. "అల కమ్యూనికేషన్" హైదరాబాద్ కథల పోటీలో ఎంపికైన కథ...." హృదయానికి శిక్ష".
21. రాష్ట్రస్థాయి కథలపోటీ "మైత్రేయ కళాసమితి" మెదక్.. పుస్తక సంకలనానికి ఎన్నికైన కథ. "బిందెడు నీళ్లు".
22. రాష్ట్ర స్థాయి కథల పోటీలు "జాగృతి" కన్సోలేషన్ బహుమతి కథ "ఆలస్యం అమృతం విషం"
23. రాష్ట్రస్థాయి దీపావళి కథల పోటీ "ఆంధ్ర ప్రదేశ్" పత్రిక ప్రత్యేక బహుమతి హాస్య కథ.
24. రాష్ట్రస్థాయి దీపావళి కథల పోటీ "ఆంధ్రప్రభ" ప్రచురణకు ఎంపికైన కథ.
25. దీపావళి కథల పోటీ "ఆంధ్రభూమి" ప్రచురణ కు ఎన్నికైన కథ.
26. రాష్ట్రస్థాయికథల పోటీ "ఆప్కో ఫ్యాబ్రిక్స్" హైదరాబాద్ నిర్వహణ పోటీ లో ఎన్నికైన కథ.
27. రాష్ట్రస్థాయి కథలపోటీ "ఆంధ్రప్రదేశ్పత్రిక" కు ఎన్నికైన హాస్యకథలు." చంద్రమండలంలో స్థలమును అమ్మబడును".
28.దీపావళి కథల పోటీ "జాగృతి" పత్రిక కు ఎన్నికైన కథ.
29. "హాస్యానందం" విశేష స్కిట్స్ కొరకు.. "రైజింగ్ స్టార్".. అవార్డు.
30 ఆంధ్రజ్యోతి "భావ తరంగం" వారం వారం 30 కథలు.
31. "కళా దర్బార్" రాజమండ్రి.. రాష్ట్రస్థాయి కవితలపోటీలలు... 4 సంవత్సరాలు ఉత్తమ కవిత్వానికి ప్రథమ బహుమతి...మూడుసార్లు.. ఉత్తమ కవిత్వానికి ద్వితీయ బహుమతి.
32.."హాసం" మాస పత్రిక లో ప్రచురింపబడిన "చిరాకు దంపతులు చింతకాయ పచ్చడి" కథ చదివిన చాలా మంది సినీ ప్రముఖులు ఫోన్ కాల్స్ చేసి అభినందించడం.
33. ప్రఖ్యాత సిరివెన్నెల పత్రికలో సిరివెన్నెల సీతా రామశాస్త్రి గారి నిర్వహణలో జానపద పాటల పోటీలో ప్రథమ బహుమతి పాటకు వారి నుండి పత్రికాముఖంగా ప్రత్యేక ప్రశం సలు.. తదుపరి ఆ పాట అనేక రంగస్థల ప్రదర్శనలు పొందడం.
34. విశేష కథలుగా పేరు ప్రఖ్యాతులు తెచ్చిన కథలు
నలుగురితోనారాయణ
కొరడా దెబ్బలు
అమృతం కురిసింది.
వైష్ణవమాయ
ఐదేళ్ల క్రితం
ఇంద్రలోకం
బిందెడు నీళ్లు
చంద్రమండలంలో స్థలములు అమ్మబడును
డిసెంబర్ 31 రాత్రి
మహాపాపాత్ముడు
35. రాజమండ్రి ,కాకినాడ ,విజయవాడ, విశాఖ పట్నం ,రామచంద్రపురంలో.. విశేష సన్మానాలు.
ప్రస్తుతం...
1. ఒక పరిశోధన నవల.. ఒక చారిత్రక నవల రాసే ప్రయత్నం
2. పరిషత్ నాటికలు జడ్జిగా..
3. కొందరు సినీప్రముఖుల ప్రోత్సాహంతో..
సినిమాలకు కథ మాటలు స్క్రీన్ప్లే అందించే ప్రయత్నం.
4. .. 4 కథల సంపుటిలు... రెండు కవితా సంపుటిలు.. 1గేయ సంపుటి.. 2 కామెడీ షార్ట్ స్కిట్స్.. రెండు నాటికల సంపుటిలు..ఒక నవల ప్రచురణ తీసుకొచ్చే ప్రయత్నం.
5. ఒక ప్రింటెడ్ పత్రిక ప్రారంభించే ఉద్దేశ్యం.
భార్య.. గోవిందీశ్వరి... హౌస్ వైఫ్.
కుమారుడు... వెంకట రామకృష్ణ .. బి.టెక్ సాఫ్ట్వేర్ ఇంజనీర్... మైక్రోసాఫ్ట్.. హైదరాబాద్.
కోడలు... మాధురీ లత..... ఎం ఫార్మసీ.
కుమార్తె.. సౌభాగ్య.. స్టూడెంట్.
మనుమరాలు.. ఆద్య... యాక్టివ్ బేబీ.
నా కథలను ఆదరించి తమ అమూల్య అభి ప్రాయాలు తెలియజేస్తున్న... రెండు రాష్ట్రాల తెలుగు ప్రజలందరికీ... వినమ్ర నమస్సులు.
నల్లబాటి రాఘవేంద్ర రావు
Comments