విజయ దశమి 2025 కథల పోటీలు
- Mana Telugu Kathalu - Admin
- Apr 1
- 3 min read

Vijaya Dasami 2025 Telugu Story Competition By manatelugukathalu.com
Published On 01/04/2025
విజయ దశమి 2025 కథల పోటీలు
నిర్వహణ: మనతెలుగుకథలు.కామ్
విషయ సూచిక
1.విజయదశమి 2025 కథల పోటీలు
2.వారం వారం బహుమతులు: 30/09/2025 వరకు పొడిగింపు
3.కొసమెరుపు కథల పోటీ ప్రారంభం
4.ఉగాది 2025 కథల పోటీ ఫలితాలు: 15/04/2025
5.రచయితలకు గమనిక
6.బహుమతులకు సహకరిస్తున్న వారు
1. విజయదశమి 2025 కథల పోటీలు
సంక్రాంతి 2021, విజయదశమి 2021, ఉగాది 2022, విజయదశమి 2022, ఉగాది 2023, విజయదశమి 2023, విజయదశమి 2024 మరియు ఉగాది 2025 కథల పోటీలు విజయవంతంగా పూర్తి చేసిన సందర్భంగా రచయితలకు, పాఠకులకు ముందుగా మా ధన్యవాదాలు తెలియజేసుకుంటున్నాము.
ఇప్పుడు విజయదశమి 2025 కథల పోటీని ప్రకటిస్తున్నాము.
పోటీల కోసం ప్రత్యేకంగా కథలు పంపాల్సిన అవసరం లేదు.
01/04/2025 నుండి 05/10/2025 వరకు ప్రచురితమయ్యే కథల నుండి (24/03/2025 నుండి 28/09/2025 వరకు మాకు చేరే కథలనుండి) విజయదశమి 2025 కథల పోటీల బహుమతుల ఎంపిక ఉంటుంది.
'వారం వారం బహుమతులు/ఈ నెల ఉత్తమ కొసమెరుపు కథ' లలో బహుమతులు పొందిన కథలు మాత్రమే విజయదశమి 2025 కథల పోటీలో ప్రథమ బహుమతి, విశిష్ట బహుమతులకు పరిశీలింప బడతాయి.
కథలు మాకు చేరవలసిన చివరి తేదీ: 28/09/2025
ప్రచురింప బడ్డ కథలను తరువాత తొలగించడం ఉండదు. ఇందుకు సమ్మతించే వారే తమ రచనలను పంపగలరు.
విజయదశమి 2025 కథల పోటీ బహుమతుల వివరాలు :
ఏకైక ప్రథమ బహుమతి : రూ: 5000 /-
ఐదు విశిష్ట(ప్రత్యేక) బహుమతులు ఒక్కొక్కటి రూ: 500 /-
మీరు నూతన రచయితలయినా, లబ్ద ప్రతిష్ఠులైన రచయితలైనా బహుమతులు పొందడానికి సమాన అవకాశాలు వున్నాయి. బహుమతుల ఎంపిక నిష్పక్షపాతంగా జరుగుతుంది. బహుమతుల ఎంపికలో పాఠకుల అభిప్రాయాలు కూడా పరిగణనలోకి తీసుకొనబడతాయి.
నిబంధనలు :
*కథ నిడివి రచయిత సౌకర్యాన్ని బట్టి ఉండవచ్చు.
*కాపీ కథలు, ఇదివరకే ప్రచురింపబడ్డ కథలు, అనువాద కథలు, ఇతర పత్రికలలో పరిశీలనలో ఉన్న కథలు పంపరాదు.
*ఇదివరకే ప్రింట్ మీడియాలో గానీ, వెబ్ సైట్లలో గానీ , బ్లాగ్ లలో గానీ ఇతర గ్రూప్ లలో గానీ ప్రచురింపబడ్డ కథలు బహుమతులకు పరిగణింపబడవు. ఆ మేరకు హామీ పత్రం జత చేయాలి.
*ఒకరు ఎన్ని కథలయినా పంపవచ్చును.
మీ రచనల్లో అచ్చు తప్పులు, వ్యాకరణ దోషాలు లేకుండా ఒకటికి రెండు సార్లు పరిశీలించి పంపండి.
*వెంటనే మీ కథలను 'మనతెలుగుకథలు.కామ్' వారికి పంపించండి.
* మీ కథలను మా వెబ్ సైట్ లోని అప్లోడ్ లింక్ ద్వారా పంపండి.
*లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.
*పి.డి.ఎఫ్ రూపంలో పంపే కథలు పరిశీలింపబడవు.
*కథలు మాకు చేరవలసిన చివరి తేదీ : 28/09/2025
*ఫలితాలు 15/10/2025 న 'మనతెలుగుకథలు.కామ్' లో ప్రచురింపబడతాయి.
*తుది నిర్ణయం 'మనతెలుగుకథలు.కామ్' వారిదే.
*ఈ విషయమై ఎటువంటి ఉత్తర ప్రత్యుత్తరాలకు తావు లేదు.
*ప్రచురింపబడే అన్ని రచనల పైనా మనతెలుగుకథలు.కామ్ వారికి పూర్తి హక్కులు (పోడ్కాస్ట్ చెయ్యడం, యు ట్యూబ్ లో ఉంచడం, షార్ట్స్ రూపొందించడం లాంటివి) ఉంటాయి.
*మనతెలుగుకథలు.కామ్' యాజమాన్యం, వారి కుటుంబ సభ్యులు, సన్నిహితులు బహుమతులకు అనర్హులు.
2.వారం వారం బహుమతులు పథకం 31 /03 /2025 తో ముగిసింది. విశేష ఆదరణ పొందిన ఈ పథకాన్ని ఈ పథకాన్ని 30 /09 /2025 వరకు పొడిగిస్తున్నాము.
3.కొసమెరుపు కథల పోటీ ప్రారంభం:
పూర్తి వివరాలు ఈ క్రింది పోస్ట్ లో చూడండి.
4.ఉగాది 2025 కథల పోటీ ఫలితాలు:
ముందు ప్రకటించినట్లుగానే ఉగాది 2025 కథల పోటీ ఫలితాలు 15 /04 /2025 నాటి మా పోస్ట్ లో చూడండి.
5. రచయితలకు గమనిక:
కొత్త రచయితల సమాచారం కోసం...
కథల పోటీ కోసం ప్రత్యేకంగా రచనలు పంపనవసరం లేదు.
మనతెలుగుకథలు.కామ్ లో ప్రచురింపబడే కథలనుండి ప్రతి వారం కనీసం ఒక కథను ఉత్తమ కథగా ఎంపిక చేస్తాము. అలాగే ప్రతినెలా ఒక కథను ఉత్తమ కొసమెరుపు కథగా ఎంపిక చేస్తాము.
అలా ఎంపిక చెయ్యబడ్డ కథలనుండి ఉగాది/విజయదశమి పోటీలకు బహుమతి కథ సెలెక్ట్ చేస్తాము.
ప్రతి నెల వారం వారం బహుమతులకు ఎంపికైన కథల వివరాలు, 'ఈ నెల ఉత్తమ కొసమెరుపు కథ' గా ఎంపికైన కథ పేరును మనతెలుగుకథలు.కామ్ లో మరుసటి నెల 15 వ తేదీ ప్రచురిస్తాము.
కేవలం మేము పంపే లింక్ ల ద్వారానే మనతెలుగుకథలు లో కథలు చదవాల్సిన అవసరం లేదు.
మీ బ్రౌసర్ లో www.manatelugukathalu.com అని టైపు చేస్తే మా వెబ్ సైట్ చేరుకోవచ్చు. మీకు నచ్చిన కథలు ఉచితంగా చదువుకోవచ్చు.
మీ రచనలు మాకు పంపవలసిన చిరునామా story@manatelugukathalu.com
మనతెలుగుకథలు.కామ్ రచయితల కోసం మేము ఏర్పాటు చేసిన వాట్సాప్ గ్రూప్ లో చేరడం ద్వారా ప్రతి పోస్ట్ తాలూకు లింక్ లు తెలుసుకోవచ్చు.
6. బహుమతులకు సహకరిస్తున్న వారు
వారం వారం ఒక కథకు బహుమతి చొప్పున నెలకు నాలుగు కథలకు బహుమతులు అందిస్తున్నాం. బహుమతుల వితరణలో భాగస్వాములు దొరికితే ఈ బహుమతుల సంఖ్యను, బహుమతుల మొత్తాన్ని మరింత పెంచే అవకాశం ఉంటుంది. మనతెలుగుకథలు.కామ్ లో ప్రచురింపబడే ప్రతి కథకు బహుమతి అందేలా చేయాలన్నదే మా సంకల్పం.
రూ: 3000/- చెల్లించడం ద్వారా ఒక సంవత్సరం పాటు ప్రతి నెలా ఒక కథకు బహుమతిని మీరు స్పాన్సర్ చేయవచ్చు. బహుమతి కథ మీరే ఎంపిక చేయవచ్చు.
వివరాలకు story@manatelugukathalu.com కి మెయిల్ చేయండి.
ఈ విషయంగా మేము గతంలో చేసిన విజ్ఞప్తికి స్వచ్చందంగా ప్రతిస్పందించిన వారి వివరాలు తెలియజేస్తున్నాము.
*శ్రీ బివిడి ప్రసాద రావు గారు
(Profile Link: https://www.manatelugukathalu.com/profile/prasadarao )
ప్రతినెలా ఒక కథకు బహుమతిని అందిస్తున్నారు.
*పెండేకంటి లావణ్య కుమార్తె జె.సాయినిధి తన దివంగత అమ్మమ్మ(పెండేకంటి లక్ష్మిపద్మావతి), నానమ్మ (జొన్నలగడ్డ పద్మావతి)ల ఙ్ఞాపకార్థం ప్రతినెలా ఒక కథకు బహుమతిని అందిస్తున్నారు.
కొసమెరుపు కథల పోటీని శ్రీమతి కర్లపాలెం రుక్మిణమ్మ గారి స్మారకార్థం ప్రముఖ రచయిత శ్రీ కర్లపాలెం హనుమంతరావు గారు ( ప్రొఫైల్ లింక్: https://www.manatelugukathalu.com/profile/khrao )స్పాన్సర్ చేస్తున్నారు.
*కొందరు రచయితలు తమ పారితోషకం మొత్తాన్ని ఇతర రచయితల బహుమతుల కోసం వెచ్చించమని కోరుతున్నారు.
తెలుగు రచయితలను ప్రోత్సహించాలనే మా యజ్ఞంలో పాలుపంచుకుంటున్నందుకు వీరందరికీ మా ధన్యవాదాలు తెలియజేస్తున్నాము.
అద్భుతం 👏🙏